Kryegjyshi botëror i bektashinjve ose ndryshe Baba Mondi ka qenë i ftuar në emisionin “Rudina” në Tv Klan pasditen e sotme, i cili ndër të tjera i ka dhënë një këshillë të gjithë njerëzve që gjatë kësaj pandemie të mos kenë frikë dhe të qëndrojnë të bashkuar dhe jo të përçarë.

Rudina Magjistari: Në këto kohë të vështira që po jetojmë prej Covidit, cili është mesazhi që do jepnit ju për të gjithë njerëzit?

Baba Mondi: Njerëzit nuk duhet të tremben, nëse besojnë Zotin, nuk duhet të kenë frikë. Zoti na udhëheq neve për të mos gabuar dhe për të na mbrojtur nga çdo gjë e keqe. Çfarë është caktuar për njeriun, do e marrë ai njeri, prandaj duhet të kenë kujdes njerëzit, rregullat duhet të zbatohen dhe nuk duhet të kenë frikë sepse kanë Zotin me vete. Siç thotë një ajet Kuranor “nuk mund të të zërë as qielli, as toka as dheu, të zë zemra e besimtarit të bindur. Familjarët duhet të jenë të bashkuar dhe jo të përçarë. /tvklan.al