“Shqipëria, e fokusuar te kthimi i luftëtarëve të ISIS”

Departamenti Amerikan i Shtetit, publikoi raportin vjetor për terrorizmin në botë për 2019. Sipas këtij raporti, Shqipëria ka bërë përpjekje të forta kundër terrorizmit si dhe ka kontribuar tek Koalicioni Global për të mposhtur ISIS-in.

“Shqipëria kërcënohet nga terrorizmi për shkak të luftëtarëve që kthehen nga Iraku dhe Siria. Të rinjtë shqiptarë janë radikalizuar me terrorizmin dhe komplotet e Iranit kundër grupit opozitar të muxhahedinëve që strehohen në Shqipëri”.

Sipas raportit, Shqipëria  ka reaguar kundër sulmeve terroriste. Më 23 tetor 2018 thotë raporti, Njësia Kundër Terrorizmit e Policisë së Shtetit parandaloi sulme të planifikuara  nga agjentët  iranianë kundër anëtarëve të MEK që jetojnë në Shqipëri, por nxjerr nw pah edhe disa probleme.

 “Korrupsioni dhe barrierat për shkëmbimin e informacionit midis agjencive qeveritare, koordinimi i pamjaftueshëm ndërinstitucional dhe një sistem gjyqësor me funksionim të dobët vazhduan të pengojnë ligjin e Shqipërisë në të gjitha nivelet”.

Duke u ndalur tek reforma në drejtësi, departamenti amerikan i shtetit thotë se implementimi i reformave të thella në sektorin gjyqësor vazhdon ende me verifikimin e 800 gjyqtarëve dhe prokurorëve për korrupsion, paaftësi dhe lidhjet me krimin e organizuar. Sipas këtij raporti Shqipëria vazhdon të ndërmarrë hapa për të rritur sigurinë e saj kufitare, për të zbuluar dhe mohuar hyrjen në të terroristë.

 Tv Klan