#EDielaShqiptare nga #ArditGjebrea prej vitit 2008 në #TvKlan, programi më popullor në të gjitha familjet shqiptare çdo të dielë. Një program i cili përfshin një fashë orari maratonë, prej 6 orësh transmetim.

#edielashqiptare #arditgjebrea #program #kalomira #zerdelie # bujar #familja #dokumente #greqi #elda # genti #finlande #bast

Dashuri me shikim të parë, Mira kujton takimin: Ma bëri ‘tak’ në zemër!

Mira shkoi në Greqi vetëm për një javë, por tashmë janë bërë 11 vite pa ardhur. Ndalesa e saj e parë në rikthtimin në Shqipëri është programi  “E Diela Shqiptare” në Tv Klan, në rubrikën “Ka Një Mesazh Për Ty”. Por pse vizita e shkurtër u kthye në një qëndrim kaq të gjatë? Fillimisht, përgjigjja mbetet te Dhimitri, dashuria e saj pas të cilit ‘u marros’ që në shikimin e parë.

Mira: Shkova një vizitë në Katerini sepse kam vajzën e dajës, tjetrën atje. Eh, atje ishte një rastësi që vjehrra e saj i tha “ku e ke patur të fshehur këtë kushërirë kaq të mirë, do t’i gjej burrë unë”.

Ardit Gjebrea: Edhe ta gjeti burrin?

Mira: Ma gjeti, m’u ngjit dhe nuk m’u shkoqit si i themi ne nga Korça. Si i thonë, janë të shkruara disa gjëra por njohja e burrit tim qe vërtet një rastësi sepse edhe ai kur më pa, unë e kisha prerë biletën vajtje-ardhje, e takova te shtëpia e motrës dhe ai nuk tha asgjë fare që a do të dalim më tutje, jo mua, motrës së tij apo njerëzve.

Ardit Gjebrea: Takimi i parë mes ju të dyve ishte enkas që ju të njiheshit?

Mira: Po.

Ardit Gjebrea: Pra ti e dije që do të shihje një djalë, ndoshta të pëlqente ose jo?

Mira: Unë e nisa kështu si kot se nuk e kisha mendjen fare që të fejohesha.

Ardit Gjebrea: Po të pëlqeu?

Mira: Sa e pashë, ma ka bërë ‘tak’ në zemër, për atë Zot! Ai burri im i ka sytë bojëqielli dhe kishte veshur një këmishë bojëqielli dhe ma bënte kushërira sepse e kisha ngjitur, më thoshte “hë të pëlqeu”, po pusho se ma bëri ‘tak’ në zemër i thashë.

Ardit Gjebrea: Po atij ia bëri ‘tak’ në zemër?

Mira: Sigurisht, nuk më la më të ikja.

 Basti më emocionues ku nuk humbi askush, familja ribashkohet pas 11 vitesh

Mira ka arritur që pas 11 vjetësh të pajiset me dokumentacionin grek dhe më në fund, të kthehet në Shqipëri. Ajo është shumë e përmalluar për prindërit ndaj ka vendosur t’i surprizojë në “Ka Një Mesazh Për Ty”. Por në këtë surprizë ajo s’është e vetme pasi në studion e së “Dielës Shqiptare”në Tv Klan i janë bashkuar dy motrat, Oligerta e Elda dhe vëllai, Gerti që ka ardhur nga Finlanda.

Elda zbuloi se ka vendosur bast me babain, Bujarin. Edhe ai vetë e konfirmoi dhe tha se dyshimet e tij janë te Elda, ndërsa gruaja, Zerdelia dyshon te Mira dhe Gerti. Më në fund para atyre hapet ekrani dhe shfaqet imazhi i Eldës, por kush e fitoi vërtet bastin?

Ardit Gjebrea: Kush e fitoi bastin?

Bujar: E fitova unë!

Ardit Gjebrea: E fitove ti bastin!

Bujar: 2 baste, 2!

Ardit Gjebrea: 400 euro ke fituar!

Bujar: Kjo më ka thënë ka ikur në plazh, ku di unë…

Ardit Gjebrea: Po edhe këtu atmosferë plazhi kemi ne, prandaj ktheva kokën nga publiku se thashë plazh… Basti nuk mbaron këtu, ka edhe pak fare!

Bujar: Kjo s’ka bast gjëkundi! Kjo thotë s’jam e këtyre punëve, nuk e kam besuar. E falenderojmë shumë!

Ardit Gjebrea: Znj. Zerdelie, po si e humbe bastin kështu?

Zerdelie: S’ka rëndësi.

Ardit Gjebrea: Jo, për mua ka shumë rëndësi, ja shiko pak.

Zerdelie: Ja ku është edhe ajo!

Ardit Gjebrea: Ja ku është edhe ajo! Ka ardhur goca pas 11 vitesh  në  Shqipëri!

Bujar: Humba bastin! Jo, jo nuk besohet kjo! Keni bërë ndonjë kurdisje, ndonjë montim fotosh.

Ardit Gjebrea: Kemi bërë një montazh me foto! E vërtetë, por prit se s’kemi mbaruar!

Bujar: Zonja paska qenë më e zgjuar! E pabesuar!

Ardit Gjebrea: Asnjë nuk humbi!

Në përqafimin familjar, bashkohen edhe nipërit e Bujarit e Zerdelies, po aq të emocionuar.