Grupi Parlamentar Socialist do të kthehet në Kuvend në seancën e të enjtes pasdite për të diskutuar mbi nismat e tyre që synojnë të amendojnë ligjin aktual për komisionet hetimore parlamentare. Vendimi është marrë pas një mbledhje të zhvilluar në mesditë në selinë rozë .
Kryetari Rama i ka udhëzuar të zgjedhurit socialist që të shkojnë në parlament për të zhvilluar diskutime të zjarrta në mbrojtje të nismave të tyre.
Duke u shprehur optimist se mazhoranca do të reflektojë duke i hapur rrugë hapjes së kutive. Qofshin këto të fletëve të votimit apo ato të materialeve zgjedhore.
Një ditë më parë deputetët socialist bojkotuan mbledhjen e komisionit të ligjeve. Të pakënaqur me përfaqësuesit e mazhorancës të cilët kërkonin që iniciativa ligjore e socialistëve të niste nga diskutimi nen për nen sipas rregullores së parlamentit pikërisht nga neni 1 dhe nga jo neni 4 siç kërkonin ata.
Pasditen e së martës kryesocialisti Rama i nisi një letër të hapur dhe tepër të gjatë kryeministrit Berisha, ku i kërkonte të reflektonte dhe të lejonte hetimin e zgjedhjeve siç e kërkon opozita./tvklan.al
Gazetare: Elja Zotka
