Në puntatën e transmetuar ditën e djeshme në “Talk Love Story” në Tv Klan është diskutuar mbi arsyen se pse Kristi kërkon të dalë me vajzat që del Xhoni. Nga ana tjetër, fronisti është shprehur se kjo është një garë ngaqë janë dy princa në këtë format dashurie.

Në një moment, Daniela i është drejtuar Kristit duke thënë se sipas saj, fronisti është ‘vagoni më i shkatërruar i trenit të Xhonit’. Ky moment është publikuar dhe në Instagram-in zyrtar të Televizionit Klan.

Daniela: Kristi është lokomotiva e prishur e trenit të Xhonit, kështu që i bën zhurmë përherë mbrapa. Kështu më duket, vagoni më i shkatërruar i fundit.

Kristi: Unë dua të krahasoj takimin që do të bëjë Xhoni me Kleonën dhe takimin që kam bërë unë për shembull.

Julka Gramo: Pra, ti i nxjerr vajzat që t’i kesh në takim për këtë krahasimin, po bën eksperimente sociale?! Vera, vitin tjetër merre edhe producent, edhe autor programesh. Nuk më duket shumë etike.

Ajo që ka marrë vëmendjen e ndjekësve, përveç këtij çasti kanë qenë replikat që kanë bërë opinionisti i “Love Story”, Robert Aliaj Dragot dhe ajo e “Talk Love Story”, Zhaklina Lekatari.

Robert Aliaj Dragot: Normal që në një show rrumpallë të vlerësohen vetëm banalitetet. Gjërat e mençura nuk i dëgjon njeri. As ju që i postoni.

Zhaklin Lekatari: O Bert po ne jemi vetë aty!

Robert Aliaj Dragot: Po më befason ti mua. Gjithësesi unë nuk jam i programueshëm, as në funksion të askujt.

Zhaklin Lekatari: As unë nuk kam asnjë funksion, Kristin e dua shumë dhe e mbështes në çdo emision, që prej fillimit, por pikërisht se ne jemi vetë aty duhet të jemi objektiv në gjykim. Ky është vetëm mendimi im.

Robert Aliaj Dragot: Ku e shikon ti mungesën e objektivitetit tim? Pastaj po të kishe ti diçka në lidhje me punën tonë si kolegë mund të më shkruaje në privat. Po dyshoj tek arsyeja e reagimit tënd.

Zhaklin Lekatari: Po s’kam çfarë të të them në privat o Bert, se s’kam ndonjë sekret për të thënë. Nuk dua të jem hipokrite me veten si fillim se jam dhe vetë aty dhe këtë po vë në dukje. Kristi është një djalë me vlera dhe kjo duket qartë.

Robert Aliaj Dragot: Hipokrite nuk të bën fakti që po na thua publikisht që nuk je e tillë. Hipokrite bëhesh kur merr përsipër të përshtatesh me diçka kundër principeve që merr të mbrosh në jetë. Kaq. Je kundër faktit që aty ka shumë banalitet?

Zhaklin Lekatari: O Berti, unë mendoj që shprehja që ke thënë ‘ky vend ka vetëm nevojë për furrë buke dhe nevojtore’ tregon shumë mirë ku ne ndodhemi, por nga ana tjetër them dhe që ose trash-in e eliminon fare nga jeta jote dhe e injoron, ose e merr dhe bën diçka të re dhe rikrijon nga ajo. Këtë duhet të bëjmë ne (sipas meje gjithmonë), ta promovojmë mendimin ndryshe pa u dekurajuar.

Robert Aliaj Dragot: Por e dashur, gabove që në fillim kur më propozove kompromisin meqë sipas teje qenkemi pjesë edhe vetë. Pastaj mendimin ndryshe nuk ke pse ma propozon sepse këtë e bëj prej gati dy dekadash nëpër televizione. Dhe as interes nuk kam që ta marr injorancën dhe banalitetin (që është baza e asaj që ndodh në kësisoj show gjithandej) si lëndë të parë.

Zhaklin Lekatari: S’të propozova asgjë, të thashë që jemi pjesë aty dhe vetë dhe kemi mundësi të shprehemi aty, të komunikojmë dhe të nxisim dinamika, pa cënuar dhe lodhjen dhe punën e madhe që bëjnë shumë vetë. Aq më shumë ti që ke kohë në ekrane shqiptare dhe e njeh shumë më mirë se unë si është bota e ekranit. Thjesht më vjen keq sepse respektoj të gjitha palët dhe do më pëlqente të kishim harmoni mes nesh. Mjaftueshëm ka banalitet siç thua dhe ti, t’ia lehtësojmë vetes.

Robert Aliaj Dragot: Nuk e quan ti propozum për kompromis me banalitetin faktin që e hape këtë debat me shprehjen. « Po je edhe ne pjesë aty o Berti? » Dhe meqë jam pjesë nuk do të thotë që nuk mund të them publikisht atë që mendoj. Përkundrazi ti mund të kishe kërkuar me mua një debat ‘tête-à-tête’.

Zhaklin Lekatari: Po ne besoj do takohemi kur të vish nuk i kemi shpallur luftë njeri-tjetrit. Unë kompromis quaj faktin që jemi aty dhe prandaj thashë ne, përfshiva dhe veten aty. Megjithatë njeriu ka tendencë të justifikojë veprimet e veta, nisur nga rrethanat dhe për këtë arsye thashë dhe që: meqë jam e rrethuar me banalitet, ose e injoroj dhe ushqej veten, vetëm me atë që për mua ose një pjesë është art i mirëfilltë, ose bëj diçka me këtë trash, duke u mundu sa më shumë mos me tradhtu veten’.

Robert Aliaj Dragot: Jo luftë me kallashnikov, por luftë idesh.

Zhaklin Lekatari: Po debatet me kulturë janë kënaqësi dhe mëson nga personi që ke përballë. Unë kam shumë respekt për Bertin dhe simpati shumë të madhe për Kristin. /tvklan.al