Më pak se një muaj ka zgjatur dëmtimi për Kristjan Asllanin. Problemet muskulore janë hedhur pas krahëve për mesfushorin shqiptare që mori minuta në fitoren e Interit përballë Arsenalit.

Për rreth 20 minuta, 22-vjeçari bëri mirë në fushë, duke menaxhuar siç duhet sulmet e londinezëve të cilët intensifikuan aksionet në kërkim të golit të barazimit. Performanca e Asllanit që mori në fushë vendin e Hakan Çahanollu u vlerësua me notën 6.4. Lajm tepër i mirë edhe për trajnerin Sylvinho.

Rikthimi i Asllanit në fushë mbërrin në momentin e duhur për teknikun e kombëtares shqiptare, që pritet të bazohet sërish te cilësitë e mesfushorit për sfidat e fundit në Ligën e Kombeve. Një element tepër i rëndësishëm për trajnerin Sylvinho në duele tepër delikate drejt objektivit për të fituar grupin në Ligën e Kombeve.

Kuqezinjtë do të presin në “Air Albania” më 16 nëntor Republikën Çeke dhe më 19 nëntor kundër Ukrainës. Në katër ndeshjet e deritanishme në Ligën e Kombeve, Asllani ka qenë titullarë stabël në urdhrat e Sylvinhos, ku shënoi edhe golin e fitores 1-0 në Tbilisi ndaj Gjeorgjisë. 

Klan News