Rama me shqiptarët në Nju Jork: Dua votën tuaj nga Amerika, hoqëm pushtetin politik nga drejtësia (E plotë)

“Të vendosim një kusht që për çdo përqindje të rritjes ekonomike të vendit, një pjesë e rritjes t’i shkojë drejtëpërdrejt pensionistëve” kështu është shprehur kryeministri Edi Rama në takimin me shqiptarët e Amerikës sa i takon rritjes së pensioneve në vend.

Rama theksoi se pensionistët janë pengu i madh i qeverisë, pasi vetëm tek ata nuk është ndjerë rritja ekonomike dhe kjo jo sepse nuk do qeveria, por sipas tij kaq janë mundësitë, kjo e ndikuar edhe nga sigurimet shoqërore.

Edi Rama: Ky është pengu i madh edhe për ne, flas si forcë politike që është ende i pashlyer dhe ka të bëjë me pensionistët. Kjo nuk është një çështje mendo pak më shumë për ata sepse unë mendoj më shumë për ata se për këdo tjetër, sepse aty e shohim që sado progres të kemi bërë, por nëse nuk e çojmë rritjen ekonomike edhe tek ata, misioni ynë nuk është i përmbushur. Sepse nga rritja ekonomike kanë përfituar të gjithë përveç atyre. Lexo më shumë

Kryeministri Rama në takimin me shqiptarët në Nju Jork tha se në listat e deputetëve të PS për zgjedhjet 2025 do ketë edhe kandidatë nga diaspora.

Rama theksoi se është në dorë të diasporës që t’i votojë këto kandidatë që të futen në Parlamentin shqiptarë.

-Çfarë plani konkret keni ju që këtë rini apo intelektualë në diasporë, që në politikën shqiptare të keni në planin tuaj që pjesëtarë nga diaspora të jenë në Parlamentin shqiptar çdo katërvjeçar.

Edi Rama: Sa i përket pyetjes së drejtëpërdrejt, as nuk diskutohet që pa mbështetjen e emigrantëve Shqipëria do të kishte hyrë në situata më të rënda se nga ato që hyri me kriza të të shkuarës ku ajo e ‘97 ishte më e llahtarshmja ku emigrantët e mbajtën Shqipërinë në këmbë me ndihmat për familjen dhe ekonominë e vendit. Shuma që emigrantët kanë derdhur për Shqipërinë  çcdo vit ka qenë shuma më e madhe krahasur me të gjithë të ardhurat e tjera nga sektorë të ndryshëm apo investimeve të huaja dhe kjo është e padiskutueshme. Lexo më shumë

Fluturimet direkte Shqipëri-SHBA janë një ndër kërkesat e emigrantëve shqiptarë në Amerikë.

Gjatë takimit me diasporën shqiptare në Nju Jork, Kryeministri Edi Rama tha se aeroporti i Tiranës është në negociata me kompaninë amerikane “Delta” për të mundësuar këtë fluturim.

LEXO MË SHUMË

Kryeministri Edi Rama gjatë takimit me shqiptarët në Nju Jork u shpreh se Partia Demokratike ishte partia më e bukur që ka lindur në Europën Lindore, por që sipas tij e ‘morrën në qafë’ drejtuesit e saj.

Kjo ishte në kuadër të përgjigjes ndaj një qytetareje e cila u shpreh se të dy kishin një histori të përbashkët në PD. Rama iu përgjigj që ai u largua nga PD sapo “i ndjeu erën”.

Edi Rama: Duke qenë se ti e nise me histori do kthehem edhe unë pak në histori ne nuk kemi qenë PD bashkë sepse unë PD ja ndjeva erën sa hyra brenda dhe ika. Kjo është e rëndësishme. E pash që kishte rënë në duar të kqija. Shumëkujt ju deshën shumë vite të shihnin atë që pashë unë dhe fatkeqësisht Shqipërisë ju desh të vuajë shumë nga ato duar të këqija Lexo më shumë

Kryeministri Edi Rama nga Nju Jorku gjatë takimit me emigrantët shqiptarë në SHBA është shprehur se Shqipëria ka rilindur dekadën e fundit.

Rama ka theksuar se Shqipëria e kësaj faze ka vetëm një forcë shtetbërëse dhe ajo është Partia Socialiste.

Edi Rama: Kjo e vërtetë është se Shqipëria e kësaj faze ka vetëm një forcë shtetbërëse Partinë Socialistëe të Shqipërisë. Pa të cuilën në udhëheqjen e saj Shqipëria nuk do ta bënte dot reformën në drejtësi dhe të godiste korrupsionin pa dallim ngjyrash politike dhe të ulej sot në çdo tryezë si e barabartë mes të barabartësh dhe të bënte një histori suksesi me rritjen më të lartë të të turizmit dhe aeroportin me rritjen më të lartë të pasagjerëve Lexo më shumë

Pas akademisë së futbollit të Manchester City në Durrës, në të njëjtin qytet do të ngrihet edhe një tjetër akademi sportive. Është fjala për një akademi basketbolli, e njohur në SHBA si NBA.

Lajmi është dhënë nga Kryeministri Edi Rama nga Nju Jorku ka pati një takim me diasporën shqiptare.

LEXO MË SHUMË

Në takimin me shqiptarët e Amerikës në Nju Jork, kryeministri Edi Rama u ndal te reforma në drejtësi dhe efektet e saj. Kryeministri tha se reforma dhe organet e reja të drejtësisë “po nxjerrin ujin e zi të korrupsionit”.

Ai shtoi se reforma ka qenë një angazhim prioritar që në programin elektoral të mandatit të parë. Kryeministri u shpreh se njerëzit me pushtet politik tashmë i janë nënshtruar ligjit duke e bërë të qartë se është i barabartë për të gjithë duke arritur qëllimin e saj.

Edi Rama: Për të gjithë ata që duan ta shohin dhe ta dëgjojnë të vërtetën dhe për çdokënd tjetër që do të kuptojë drejt atë që ka ndodhur gjatë kësaj dekade të qeverisjes sonë, e vërteta është e thjeshtë dhe shumë e qartë. Ajo është e shkruar fillimisht në programin elektoral të partisë sonë për zgjedhjet e mandatit tonë të parë, kur reforma në drejtësi ishte e shënuar si angazhim priroritar dhe të gjithë atyre brenda nesh kur shkruajtëm programin që më thoshin si mund ta marrin ne këtë angazhim kur për ta realizuar këtë angazhim Lexo më shumë

Nga Nju Jorku gjatë takimit me emigrantët shqiptarë në SHBA, Kryeministri Edi Rama ka thënë se 11 vite më parë para se të merrnin pushtetin socialistët, Shqipëria lëngonte nga një sërë problemesh.

Kryeministri renditi disa të tilla, që nga shëndetesia, administrata publike, bujqësia etj.

Kryeministri Edi Rama është takuar me shqiptarët në Nju Jork në kuadër të turit “Krenar për Shqipërinë”.

Ky është takimi i parë i Ramës pas miratimit të votës së diasporës.

Rama shoqërohet nga bashkëshortja e tij, ministri i Diasporës Taulant Balla, Sekretari i Përgjithshëm i PS Blendi Klosi etj.

---

/tvklan.al