#lajme, #edicioniinformativ ora 15:30 data 18 Nëntor 2023 #TvKlan #KlanLajme

Spiker: Anjola Hamzaj

Headlines 18 Nëntor

Shqipëria kualifikohet në Europian. I duhet një barazim për të mbajtur kreun e grupit

Shqipëria mori 1 pikë në Moldavi dhe siguroi për herë të dytë në histori kualifikimin në finalet e Europianit 2024 qe mbahet në Gjermani. Në ndeshjen e fundit kundër Ishujve Faroe i mjafton 1 pikë për të mbajtur edhe vendin e parë në grup.

Tv Klan fiton të drejtat e transmetimit për Euro 2024. Ndeshjet pa pagesë në ekranin kampion

Televizioni KLAN fiton të drejtat e transmetimit të finaleve të EURO 2024 që zhvillohen në Gjermani. Ndeshjet e kuqezinjve dhe skuadrave më të mira europiane do të përcillen ne ekranin kampion pa asnjë pagesë në të gjithë territorin e Shqipërisë

Koncensioni i sterilizimit/ GJKKO cakton “detyrim paraqitje” dhe bllokim pasaporte për Ilir Beqajn

Gjykata e Posaçme cakton masën detyrim paraqitje dhe bllokim pasaporte për Ilir Beqajn, ndërsa SPAK e akuzon atë për shpërdorim detyre për koncesionin e sterilizimit. Beqaj jep dorëheqjen si kreu i agjencisë Agjencisë të Programimit Strategjik.

Tritol lokalit të 24-vjeçarit në Kamëz. Tv Klan siguron pamjet e vendosjes së lëndës plasëse

Një shpërthim me lëndë plasëse ndodhi ne orët e para të mëngjesit në ambientet e jashtme të një lokali në Kamëz. Tv Klan siguron pamjet e momentit kur autorët vendosin tritolin në afërsi të biznesit dhe më pas largohen me shpejtësi me një makinë.

Sfidat e turizmit, ekspertët: Problem infrastruktura, kapacitetet pritëse dhe mbipopullimi i plazheve

Bumi turistik që përjetoi Shqipëria gjatë këtij viti ka nxjerrë në pah edhe disa problematika që kërkojnë adresim. Operatorët turistik vlerësojnë se infrastruktura rrugore, kapacitetet pritëse dhe mbipopullimi i plazheve janë çështje që kërkojnë zgjidhje.

Izraeli urdhëron evakuimin e spitalit Al-Shifa. OKB paralajmëron krizë shëndetësore në Gaza

Izraeli urdhëron evakuimin e plotë të spitalit Al-Shifa në Gaza, teksa qindra pacientë dhe pjesëtarë të stafit largohen çdo ditë përmes rrugëve të evakuimit. OKB paralajmëron se e gjithë gaza mund të përfshihet tani nga një krizë shëndetësore.