#Lajme, #edicioniinformativ ora 23:35 data 21 Dhjetor 2022 #TvKlan #KlanLajme

Spiker: Redi Prifti

Headlines 21 Dhjetor 2022

Përplasje në Parlament mes demokratëve. Bllokoi foltoren, përjashtihet Noka.

Rikthehen përplasjet brenda demokratëve në sallën e Kuvendit. Shkak u bë përjashtimi i disa prej tyre nga grupi parlamentar. Kryetarja Lindita Nikolla përjashtoi deputetin Flamur Noka pasi ky i fundit bllokoi foltoren.

Nis ndërtimi i teatrit të ri Kombëtar. Rama: Gur i çmuar, skenë dinjitozë për artistët.

Nisën sot punimet për ndërtimin e Teatrit të ri Kombëtar. Kryeministri Rama e vlerëson si një gur te çmuar ne gjerdanin e veprave që kanë nxjerrë Tiranën jashtë kornizës së vjetër dhe thotë se do të jetë një skenë dinjitoze për artistët. 

 PD, kallëzim në SPAK për teatrin e ri: Veliaj pi nxit përplasje mes qytetarëve.

Por Partia Demokratike thotë se ndertimi i Teatrit te Ri bie ndesh me vendimin e Gjykatës Kushtetuese. Kryetari Berisha akuzon kryebashkiakun Veliaj per nxitje te përplasjes me qytetaret dhe paralajmëron se ai do te përgjigjet për këtë akt.

Hetime në Greqi për vrasjen e Edmond Papës. Shkëmbim të dhënash mes policive.

Hetimet për vrasjen e biznesmenit Edmond Papa shtrihen ne Greqi. Policia shqiptare dhe policia greke nisin shkëmbimin e informacioneve, pas dyshimeve se vrasja e tij lidhet me atentatin e dyfishte te se dielës ne Athine.

Çështja e detit në Hagë. Xhaçka e Dendias: Vullnet për kompromis.

Kufiri detar mes Shqipërisë dhe Greqisë do te përcaktohet nga gjykata e Hages, mbi bazen e te drejtës ndërkombëtare te detit. Ministrat Xhaçka e Dendias, gjate takimit te tyre ne Tirane shprehen vullnetin per t’iu drejtuar kesaj gjykate.

Jashtë vendit për festat e fundvitit. Dubai, destinacioni më i pëlqyer.

Shqiptaret preferojnë edhe t’i kalojnë edhe këtë fund-viti pushimet jashtë vendit. Turoperatorët flasin për nje fluks te madh prenotimesh, ndersa destinacionet kryesore mbetet Dubai dhe disa kryeqytete europiane.

Zelensky lë Kievin për herë të parë që nga nisja e luftës, viziton Uashingtonin.

Presidenti i Ukrainës, Volodimir Zelenski, la për herë të parë vendin e tij që nga nisja e luftës me Rusinë. Ai udhëtoi drejt Shteteve të Bashkuara te Amerikes ku është takuar me presidentin Bajden dhe do te mbaje një fjalim para kongresit.

Partizani fiton derbin me një gol të Skukës. Të kuqtë shkëputen në krye të renditjes.

Pas më shumë se një viti, Partizani u rikthye tek fitorja me Tiranën. Të kuqtë mundën 1-0 bardheblutë me golin e Skukës në fillim të ndeshjes që u ndërpre 2 herë për shkak te hedhjes së flakadanëve nga tifozët në fushë.