Lajme, #edicioniinformativ ora 19:30 data 24 Gusht 2024 #TvKlan #klanlajme

Spiker: Redi Prifti

Headlines 24 Gusht 2024

Shqipëria refuzon rikthimin e mbetjeve. MIE dhe MTM: Nuk mund t’i pranojmë vetëm mbi bazën e dyshimeve

Ministria e Transporteve dhe ajo e Mjedisit mohojnë që mbetjet e nisura drejt Tajlandës dhe Kinës të jenë materiale të rrezikshme. Ato thonë gjithashtu se Shqipëria nuk mund të pranojë a priori rikthimin e ngarkesave të tilla, vetëm mbi bazën e dyshimeve.

Mbetjet toksike, prokuroria heton edhe për “shperdorim detyre”. Kërkohen dokumente nga kompanitë dhe institucionet

Prokuroria e Durrësit që po heton çështjen e anijeve të ngarkuara me mbetje të dyshuara të rrezikshme i ka shtrirë hetimet edhe për “shpërdorim detyre”. Hetuesit kanë kërkuar dokumentacionin nga kompanitë dhe institucionet e përfshira.

Zbardhet përplasja me arme në Bushat. 3 persona në kërkim, mbeten mister motivet

Policia e Shkodrës zbardhi përplasjen me armë të mbrëmjes së kaluar në Bushat ku 3 persona tashmë të identifikuar hapën zjarr ndaj një makine ku gjendeshin dy të tjerë. Për shkak te makinës së blinduar nuk pati të lënduar. Mbeten mister motivet.

Shqipëria plotëson krahun e punës nga vendet e treta. Kryesojnë kërkesat nga Egjipti, filipinet dhe banglandeshi

Një raport i fundit i INSTAT zbulon se Shqipëria është duke plotësuar mungesat në tregun e punës nga vende të treta ku kryesojnë Egjipti, Filipinet dhe Bangladeshi. Të shumta janë edhe kërkesat nga të huajt për leje qëndrimi për studime.

Pushime në Shqipëri, dyfishohet interesi i gjermanëve. Renditemi mes 5 destinacioneve

Interesin e shtuar të turistëve gjermanë për Shqipërinë këtë sezon e konfirmojnë edhe mediat vendase. Sipas tyre, vendi ynë renditet mes 5 më të kërkuarve në internet për të pushuar këtë verë, madje duke lënë pas edhe Italinë.

Sulm me thikë në Gjermani, 3 viktima dhe 5 të plagosur, arrestohet autori

Një sulm me thikë në një turmë në qendër të Solingenit në Gjermani shkaktoi 3 viktima dhe 5 të plagosur. Policia arrestoi një të ri të dyshuar si autor të ngjarjes ndërsa nuk përjashtohet mundësia e një sulmi terrorist.

E ardhmja e Brojës mbetet në dilemë drejt dështimit kalimi tek Ipswich Town

E ardhmja e sulmuesit të kombëtares shqiptare Armando Broja po kthehet në një telenovelë. Mediat britanike shkruajnë se edhe huazimi për një sezon tek Ipsuiç Taun në Premierligë është tashmë në rrezik për shkak të burokracive.

/tvklan.al