Spiker: Reis Çiço

Headlines 4 Qershor 2023

Arrestohen personat që i dhanë 330 mijë Lekë Joana Duros për tenderin në MSH.

SPAK vë në pranga administratorin dhe inxhinierin e një kompanie private të akuzuar se i paguan 330 mijë lekë Sekretares së Përgjithshme të Ministrisë së Shëndetësisë për marrjen e një tenderi. Zbardhet edhe skema si lëvizën paratë.

Ekstradimet nga Dubai, Dumani: Jo në dorë të SPAK. Juristët: Mund të kërkohet marrëveshje.

Kreu i SPAK, Altin Dumani thotë për Tv Klan se ekstradimet e emrave të njohur të krimit që fshihen në Dubai nuk janë në dorë të institucionit të tij. Ekspertët shprehin ne nevojën e një marrëveshjeje mes Shqipërisë dhe Emirateve Arabe.

Shqiptarët po martohen në pak. INSTAT: Kurorëzimet u ulen me 16%.

Shqiptarët po martohen më pak. Gjatë vitit të kaluar pati 16% më pak celebrime. Sociologët ngrenë shqetësimin e prishjes së institucionit të martesës, pasi po dominon fenomeni ku të rinjtë kanë si primare karrierën më shumë se fëmijët.

Escobar: Qeveria e Kosovës provokoi tensionet në veri. Stoltenberg: NATO është e vendosur të ruajë paqen.

I dërguari i Uashingtonit për Ballkanin Perëndimor, Gabriel Eskobar kritikon qeverinë e Kosovës se provokoi tensionet në veri dhe nuk e dëgjoi komunitetin ndërkombëtar. Ndërsa Stoltenberg thotë se NATO është e vendosur të ruajë paqen.

Turistët ‘’pushtojnë’’ Durrësin e Golemin. Operatorët turistik: Pritet fluks të huajsh.

Ditët e para të qershorit kanë shënuar nisjen e sezonit të plazhit në zonën e Durrësit dhe Golemit. Nuk mungojnë turistët e shumtë vendas, por turoperatorët shprehen se këtë verë presin një fluks të madh të huajsh.

Benzema largohet nga Real Madrid. Sulmuesi francez drejt Arabisë Sauditë.

Pas 14 vitesh, francezi Karim Benzema nuk do të jetë më pjesë e Real Madrid. Kapiteni i spanjollëve duket se do të vazhdojë karrierën e tij në Arabinë Saudite ku thuhet se ka pranuar një ofertë për 100 milionë euro në vit./tvklan.al