Në qendrën e numërimit të votove numër 51 ku janë përfshirë 50 qendra votimi, ka nisur ardhja e kutive të votimit dhe pritet nga çasti në çast të nisë numërimi i votave.

Sipas kryetarëve të këtyre qendrave gjithçka është zhvilluar sipas rregullave dhe nuk ka patur asnjë incident. Ndërkohë brenda qendrave të numërimit të votave gjithçka është gati për të filluar procesin e numërimit.

“Zgjedhjet shkuan shumë mirë, spati asnjë lloj incidenti, kaluam shumë mirë, votimet ishin të qeta. Tani jemi gati për të dorëzuar materialet. Çdo gjë është në rregull.”

“Në qendrën e votimit 19/10 procesi shkoi normalisht, spati asnjë incident, të gjitha shumë në rregull.”

“Shumë mirë, nga fillimi deri në fund të procedurës. Absolutisht asnjë problem. Çdo gjë shkoi sipas rregullave dhe nuk pati asnjë problem, dita përfundoi me sukses i gjithë procesi.”/tvklan.al