Dy të mbytur është bilanci tragjik i kësaj të diele në Durrës dhe Velipojë.

Në një njoftim gjatë orëve të pasdites, autoritetet policore në Durrës njoftuan vdekjen e një 18-vjeçari, i cili u mbyt në plazhin e Gjirit të Lalëzit. I riu nga Tirana, me iniciale F. A., ndërroi jetë në spital.

Më herët gjatë paradites, një 29-vjeçar u mbyt në ujërat e plazhit të Vilunit në Velipojë. Elvin Palaj hyri në det për të shpëtuar të fejuarën e tij, por për shkak të detit të trazuar u mbyt vetë.

Plazhet shqiptare vijojnë të vuajnë problematikën e mungesës së rojeve bregdetare. Ndonëse bizneset kanë detyrimin ligjor që të vëzhgojnë plazhet e tyre me roje bregdetare, kjo gjë nuk ndodh dhe ligji vazhdon të mos respektohet, duke i kushtuar jetën pushuesve.

/tvklan.al