Mjeku Arban Domi që punon në SHBA ka shuar shpresat për një vaksinë kundër COVID-19. Në një lidhje direkte me emisionin “Opinion” Domi tha se vaksina mund të dalë vetëm në fund të vitit të ardhshëm.

“Mund të jetë gati në mes të vitit të ardhshëm, por më e sigurt është në fund të vitit dhe nëse del vaksina do bëhet në mënyrë selektive”, u shpreh ai.

Po ashtu ai tregoi dhe elementët një vaksinë duhet të ketë, por shtoi se po punohet shumë shpejt.

“Është shpejt për të qenë e gatshme, ka një anë pozitive që po punojnë dhe etapat po kalojnë shumë shpejt, por vaksina ka dy element që duhet t’i përmend. Nuk ka asnjë vaksinë për viruse të ngjashme, për viruse me ARN. Nga ana tjetër vaksina ka efikasitetin dhe sigurinë”, tha Domi.

Më tej ai tha se vaksina dhe nëse del duhet të bëhet çdo vit njësoj si e gripit, pasi virusi do jetë gjatë prezent./tvklan.al