Presidenti në largim Joe Biden ndezi pemën e Krishtlindjes. Gjatë eventit mungoi bashkëshortja e tij Jill, e cila është në një udhëtim diplomatik në Lindjen e Mesme.

“Gëzuar festat të gjithëve. Ndezja e pemës së Krishtlindjes është një nga eventet e preferuara të bashkëshortes time Jill. Kështu që jam i sigurt që është penduar që nuk është këtu”.

Pema e Krishtlindjes është vendosur përtej lëndinës së Shtëpisë së Bardhë. Bredhi i sjellë nga Virxhinia u transferua në Shtëpinë e Bardhë më 15 nëntor. Amerikanët nga çdo shtet dhe territor i SHBA-së krijojnë stolitë unike që zbukurojnë pemën ndërsa shkëlqen me mijëra drita.

Klan News