Alexis Saelemaekers ka gjetur shkëlqimin te Roma. Sulmuesi belg, është kthyer në një lojtar të rëndësishëm për verdhekuqtë, pas emërimit të trajnerit Claudio Ranieri.

Saelemaekers u bashkua me verdhekuqtë në fundin e merkatos së verës, në huazim kokë më kokë me sulmuesin Tammy Abraham, i cili kaloi te kuqezinjtë.

Megjithatë duke parë formën e shkëlqyer të lojtarit, Roma po tenton ta blejë kartonin e tij, që zotërohet nga Milani deri në vitin 2027.

Kryeqytetasit janë të gatshëm të ofrojnë kartonin e Abraham në shkëmbim ose atë të Bryan Cristante, mesfushorin që nuk bën pjesë në planet e ekipit.

Një marrëveshje mes palëve nuk do të jetë aspak e lehtë, për shkak se trajneri i si i Milanit, Sergio Conceiçao, dëshiron ta ketë në ekip Saelemaekers për sezonin e ardhshëm. Belgu duket ideal për skemën 4-4-2 që synon të përdorë trajneri kuqezi. /tvklan.al