Të paktën 30 trupa të pajetë, raportohet të jenë gjetur deri më tani (06:45 me orën lokale) nga kërkimet në lumin Potomac në Uashington të SHBA-së. Sekretari Amerikan i Transportit Sean Duffy ka deklaruar për mediat se janë gjendur edhe pjesë të aeroplanit në 3 pjesë të ndryshme të lumit.

Vijojnë kërkimet, edhe pse në kushtet e temperaturave tejet të ulëta dhe akullit në sipërfaqe të ujit, ndërsa kanë nisur hetimet për ngjarjen tragjike.

Në terminalin e Aeroportit Ndërkombëtar “Ronald Reagan” mbizotëron heshtja, teksa “shuhen” shpresat për të mbijetuar.

Thuhet se rreth 15 pasagjerë në aeroplan ishin patinatorë të “US Skaters”, që u kthyen prej kampionatit të madh që u mbajt në Kansas. Mes tyre edhe çifti i famshëm i kampionëve rusë 52-vjeçarja Yevgenia Syskova dhe 55-vjeçari Vadim Naumov. 

/tvklana.al