U përfol se mund të largohej në fund të sezonit, por Heung-Min Son do të vazhdojë të jetë pjesë e Tottenham.

Klubi londinez njoftoi rinovimin e kontratës më sulmuesin korean, deri në verën e vitit 2026.

“Jemi të lumtur të njoftojmë se kemi zgjatur kontratën e Heung-Min Son, e cila tani do të zgjasë deri në verën e vitit 2026”, thuhet në njoftimin e Tottenham.

Son mban shiritin e kapitenit te skuadra angleze, aty ku është kthyer në një pikë kyçe. 32-vjeçari u bashkua me “Spurs” në vitin 2015 nga Bayer Leverkusen dhe nga ajo kohë, numëron 431 ndeshje të luajtura dhe 169 gola të shënuar.

Son fitoi “Këpucën e Artë” në Premier League në sezonin 2021-2022, ndërsa gjithashtu numëron edhe 131 ndeshje me Korenë e Jugut. /tvklan.al