Partizani triumfoi 2-0 ndaj Skënderbeut, duke ruajtur vendin e parë në renditje. “Demat e kuq”, iu falën dopietës së Bintsouka, për të marrë një fitore shumë të rëndësishme. Sulmuesi shënoi në minutat 15-të dhe 95-të, duke rezultuar vendimtar në Korçë. Në krahun tjetër, juglindorët iu afruan golit disa herë, por nuk shënuan dot. Me këtë sukses, Partizani mban vendin e parë në renditje me 20 pikë të grumbulluara, ndërsa Skënderbeu renditet në vendin e tetë me 11 pikë. Sfida e radhës për kryeqytetasit, do të jetë ndaj Teutës në shtëpi, ndërsa korçarët sfidojnë Vllazninë në transfertë. /tvklan.al

Situata në veri të Kosovës zë vend të veçantë në kapitullin për Kosovën të raportit vjetor të Komisionit Europian. Në raport vlerësohet se tensionet gjatë këtij viti mbetën të larta. Kosova kritikohet se ka kryer aktivitete në veri, të cilat cilësohen se janë në kundërshtim me detyrimet e saj në kuadër të dialogut. Serbia nga ana tjetër kritikohet për hapat të pamjaftueshëm të Serbisë për të siguruar përgjegjësi për sulmet në Banjskë. Raporti vlerëson se sulmi i Banjskës  “përbën përshkallëzimin më të rëndë të viteve të fundit”. Ky komision ka kërkuar nga Kosova dhe Serbia zbatimin e...

Trajneri i Kombëtares U-21, Alban Bushi ka humbur dy prindërit e tij, pas një aksidenti tragjik të ndodhur në Greqi. Automjeti me të cilin po udhëtonin, Ali (75 vjeç) dhe Bukurije Bushi (71 vjeç), u përplas nga një fugon në rrugën “Egnatia” në aksin Veria-Selanik dhe si pasojë e kësaj, dy prindërit e trajnerit Alban Bushi ndërruan jetën. Presidenti i Federatës Shqiptare të Futbolli, Armand Duka, nëpërmjet një postimi në profilin e tij, i ka shprehur ngushëllimet e tij trajnerit Bushi, për humbjen e madhe. “Sapo mësova lajmin e dhimbshëm për ndarjen tragjike dhe të parakohshme nga jeta të dy...

Edhe pse nuk ishte e pranishme në protestën e djeshme të opozitës, deputetja e PD Jorida Tabaku shprehet e kënaqur për mënyrën si u zhvillua. “E pashë si një akt revolte, edhe pak vite më parë PD i është bashkuar një proteste të ngjashme kur u rrit taksa e qarkullimit, ku u bllokuan disa akse rrugore. Janë forma proteste që njihen edhe në vendet e tjera europiane. Protesta që vijnë pas një situate që ofron një dinamikë plot me lajme politike.” Sipas saj, pakënaqësia te qytetarët sa vjen e shtohet, ku shqetësimi kryesor ka të bëjë me ekonominë. “Sot ka një paqartësi të madhe, mungesë shprese,...

Organizata Botërore e Turizmit e rendit Shqipërinë të parën në Europë për rritjen më të lartë të numrit të vizitorëve ndërkombëtarë për periudhën Janar-Korrik 2024, krahasuar me periudhën e para-pandemisë. Ndërsa në rang global vendi ynë mban vendin e dyte pas Katarit, me një rritje prej 93%. Për rrjedhojë, Shqipëria ka performuar më mirë edhe në rritjen e të ardhurave nga turizmi ndërkombëtar. Sipas të dhënave të barometrit botëror të turizmit për periudhën Janar-Korrik 2024, Shqipëria renditet e para sa u takon arkëtimeve nga turizmi, me një rritje +128% krahasuar me periudhën e...

Parlamenti shqiptar dhe ai Europian nuk mundën që të dalin me një rezolutë të përbashkët në përfundim të takimit të mbledhjes dy ditore të Komitetit Ndërparlamentar për Stabilizim-Asocimin. Shkak u bë vota kundër e deputetëve të opozitës, të cilët thanë se nuk mund të votonin pro draftit përfundimtar pasi të gjitha propozimet e tyre me amendamente u rrëzuan. Toni Gogu: Voton me shumicë të theksuar delegacioni europian, por për shkak se delegacioni shqiptar nuk mundi të bëjë shumicën për të votuar këtë rezolutë të përbashkët për të cilën punuam dy ditë. Kolegët e opozitës nuk e panë të...

Shqipëria U-17 e vajzave, u mposht me rezultatin 3-1 nga Kosova, në ndeshjen e vlefshme për raundin e parë kualifikues të Europianit. Në ndeshjen e zhvilluar në “Elbasan Arena”, të dyja skuadrat ishin kërkuese nga fillimi. Pjesa e parë u mbyll me avantazhin 0-2 të vajzave “dardane”, ndërsa e dyta nuk kishte shumë histori. Vajzat kuqezi luajtën në inferioritet numerik në pjesën e dytë, pasi Deliallisi u ndëshkua me të kuq. Golin e vetëm për Shqipërinë e shënoi Luari në minutën e 88-të. Të shtunën do të luhet ndeshja e dytë e grupit mes Kosovës dhe Izraelit në stadiumin “Niko Dovana”, ndërsa më...

Këto tinguj janë pjesë e një valsi të kompozitorit të famshëm Shopen, që askush nuk i kishte dëgjuar deri më sot. Notat janë hedhur në këtë dorëshkrim të tij, të krijuar gati 200 vite më parë. Zbulimi i jashtëzakonshëm u bë në Morgan Library and Museum në Nju Jork. Ishte një kurator muzikor që dorëshkrimin e zbuloi rastësisht në një kasafortë të vjetër që nuk ishte hapur asnjëherë. Valsi në LaMinor iu nënshtrua analizave nga ekspertët derisa u arrit në përfundimin që i përkiste kompozitorit të famshëm klasik polak, i cili pati një jetë të shkurtër, por me krijimtari që ka lënë gjurmë të thella...

Policia e Shtetit ka bërë publike listën e kandidatëve të cilët aspirojnë për t’u emëruar drejtor policie në qarqe. Janë 43 emra, mes të cilëve janë dhe drejtues aktual në drejtoritë vendore. Për të patur një mandat ka aplikuar drejtori aktual i policisë së Tiranës, Tonin Vocaj, i cili prej 2 vitesh mban pozicionin e kryepolicit të kryeqytetit. Gjatë kësaj kohe në Tiranë janë goditur grupe të trafikut të kokainës, nuk kryer ngjarje të rënda kriminale, apo janë zbardhur vrasje të vjetra të përplasjeve mes grupeve. Krahas Vocajt kanë aplikuar edhe krerët aktual të policisë së Lezhës,...

Pavarësisht sulmeve të shtuara kibernetike përgjatë dy viteve të fundit drejt sistemi bankar, Guvernatori i Bankës Qëndrore, Gent Sejko ka garantuar nga Komisioni për Dezinformimin se hakerat nuk kanë arritur të cënojnë llogaritë bankare të qytetarëve falë bashkëpunimit të institucioneve. “Dy vitet e fundit, sulmet kibernetike drejt sistemit bankar janë shtuar. Në një rast ka qenë një sulm i fortë kibernetik ndaj një banke që nuk ka cënuar llogaritë bankare si pasojë e masave të marra por informacionin, të dhënat. Por falë koordinimit të punës të gjithë institucioneve, përfshirë këtu...