Trajneri i Atletico Madrid, Diego Simeone, u shfaq shumë i lumtur pas fitores 2-1 ndaj Barcelonës, e cila e ngjit skuadrën e tij në krye të renditjes.

Pas ndeshjes, Simeone vlerësoi kundërshtarin për lojën e treguar, ndërsa theksoi se ndoshta katalanasit e meritonin fitoren në këtë përballe.

Tekniku argjentinas, tregoi edhe strategjinë e lojës që kishte përgatitur.

“Barcelona luajti një ndeshje shumë të mirë. Ndoshta e meritonin të fitonin, por në futboll ndonjëherë ndodhin edhe këto situata. E pranoj që katalanasit ishin superiorë.

Megjithatë duke qarkulluar topin, ne kuptuam se mund t’ia dilnim. Në pjesën e dytë ndryshuam dhe u bë një ndeshje ndryshe. Duhet të tërhiqnin De Paul, sepse Pedri po fitonte terren. U kthyem në 5-3-2 dhe aty u përmirësuam.

Pas barazimit, skuadra tregoi vendosmëri të madhe. Janë tri pikë shumë të rëndësishme, ndaj një rivali të fortë. Mbajtja e topit na ndihmoi që të ndërtonim nga mbrojtja. Zëvendësimet na dhanë forcë për të synuar më pas fitoren”, shpreh Simeone. /tvklan.al