6 persona kanë humbur jetën pasi avioni privat me të cilin udhëtonin u përplas me një pemë dhe shpërtheu në flakë.

Sipas CNN, avioni u përplas teksa po përpiqej të ulej në Shannon Airport, në Fredericksburg të Virginias.

“Bëhej fjalë për një avion të vogël që po tentonte të ulej. Mjeti shkoi deri në fund të pistës më pas u ngrit lart, u kthye në të majtë, duke u përplasur me një pemë dhe shpërtheu në flakë”,

tha një zëdhënës i policisë që sqaroi se piloti

“tentoi të ulej në pistë dhe më pas hoqi dorë dhe nisi të ngjitej sërish në ajër”.

Në vendin e ngjarjes, ekipet e shpëtimit gjetën trupat e 6 personave të djegur që ndodheshin në avion. Momentalisht mbetet i paqartë shkaku i aksidentit, ashtu sikurse edhe manovrat e pilotit./tvklan.al