Lajme Arkiva – TV Klan 2003

Gjatë paradites së sotme Edi Rama ka përshkruar në këmbë disa nga lagjet e njësisë nr.2 së bashku me deputetin e zonës Anastas Angjeli, për të parë nga afër zhvillimet e ndodhura gjatë këtyre tre viteve në zonën e Saukut, por edhe për t’u njohur me problemet që i shqetësojnë banorët e këtyre lagjeve periferike të kryeqytetit.

Rama ka inspektuar dhe punimet e dy shkollave të reja, një 8-vjeçare dhe një të mesme, që po ndërtohen pranë Sanatoriumit.

Edi Rama:- “Mbështetja e banorëve ndaj projektit tonë transformues, shkon përtej të majtës dhe të djathtës dhe se rezultati i 12 Tetorit, do të surprizojë të gjitha kukuvajkat e reaksionit dhe regresit”.

Deputeti Angjeli ka shprehur besimin në fitoren e padiskutueshme të Edi Ramës, në zgjedhjet lokale të 12 Tetorit.

Anastas Angjeli:- “Çdo fushatë elektorale është natyrisht një aksion politik për PS, kështu që ne jemi në krah të kandidatëve të kryetarit të bashkisë Edi Rama, të kryetarit të njësisë bashkiake Përparim Bodinaku dhe natyrisht në krah të fitores së PS, duke dhënë kontributin tonë të gjithanshëm gjatë gjithë kësaj fushate”./tvklan.al

Gazetare – Elja Zotka