E paralajmëruar se do të mbahej seanca plenare e paradites ka nisur me dy ore vonese pavarësisht protestave të simpatizantëve të LSI-së në mbështetje të 10 deputetëve grevistë që ndodhen prej 4 ditësh në ambientet e brendshme të sallës së kuvendit.

Këta të fundit qëndrojnë të ulur përpara podiumit ku qëndrojnë ministrat e kabinetit qeveritar me pankartën “vota është e shenjtë” janë mbështetur nga disa prej deputeteve, të cilët i kërkuan kuvendit të reflektojë në gjetjen e një konsensusi për kodin zgjedhor.

Më pas seanca plenare vijoi normalisht ku më shumicën e votave kuvendi miratoi disa projektligje mes të cilave atë për përcaktimin e poligoneve për asgjësimin e municioneve si dhe projektligjin për avokaturën e shtetit.

Në mbyllje të seancës plenare deputetët grevistë u shprehën se do të qëndrojnë të ngujuar në ambientet e kuvendit deri sa dy partitë e mëdha të tërhiqen nga vendimi për të administruar votën e lire të qytetarëve./tvklan.al

Gazetare: Jolldiz Mitro

Operator: Enver Shehu