Një person është arrestuar pas protestës që u zhvillua të martën para Bashkisë së Tiranës. Bëhet fjalë për 49-vjeçarin Sokol Bushkolaj nga Thumana.

Ndaj tij rëndojnë disa vepra penale si prishja e qetësisë publike, shkelja e rregullave mbi lëndët plasëse, shkatërrim i pronës me zjarr, goditje për shkak të detyrës dhe vrasje me dashje e mbetur në tentativë.

Policia thotë se 49-vjeçari është ndaluar edhe më datën 8 Maj në lidhje me një protestë tjetër të zhvilluar para bashkisë.

Sokol Bushkolaj
Sokol-Bushkolaj

Gjithashtu në lidhje me protestën u procedua në gjendje të lirë shtetasi K. B., 22 vjeç, banues në Tiranë.

Kujtojmë se një ditë më parë nuk munguan molotovët para Bashkisë së Tiranës. Një prej tyre ra edhe në krahun e protestuesve duke lënduar lehtë një qytetar./tvklan.al