#Lajme, #edicioniinformativ ora 23:20 data 17 Dhjetor 2022 #TvKlan #KlanLajme

Spiker: Redi Prifti

Headlines 17 dhjetor 2022 ora 23:20

Atentati ndaj biznesmenit Edmond Papa. Tv Klan ndërton në 3D skenën e vrasjes, autori u filmua

Policia vijon hetimet për te zbardhur vrasjen e biznesmenit Edmond Papa, një ditë më parë në Tiranë. TV Klan rindërton grafikisht skenën e ngjarjes, bazuar ne te dhënat e grupit hetimor dhe filmimet e kamerave te sigurisë që fiksuan autorin.

Burg për gruan që vrau për 10 mijë euro kolegun e saj. Lihet në qeli edhe bashkëpunëtori

Gjykata la në burg Marjeta Karajn dhe Gazmir Ngotën të akuzuar për vrasjen e Menduh Kurt-Dedës në vitin 2017 pas konfliktit për një borxh 10 mijë euro. Para gjykatës Karaj e ka mohuar akuzën ndërsa i riu ka pranuar pjesëmarrjen në krim.

Gjiknuri: Socialistët do të rikonfirmojnë pjesën më të madhe të kryetarëve të bashkive

Sekretari i Përgjithshëm i Partisë Socialiste, Damian Gjiknuri thotë se pritet të rikonfirmohet pjesa më të madhe e kryebashkiakëve në detyrë në garën e 14 majit. Ai ka shigjetuar procesin e ndjekur nga PD duke e quajtur “pseudo-primare”.

Mbi 3 mijë ha nën ujë, 155 shtëpi të rrethuara. Sinoptikanët: Reshjet  ndërpriten të dielen

Mbi 3 mije hektarë tokë janë nën ujë në zonën e NënShkodrës si pasojë e reshjeve të rëna ditët e fundit. Në ndihmë të banorëve kanë shkuar forcat e emergjencave civile. Sinoptikanet thonë se reshjet do të ndërpriten të dielën.

Trump rrezikon akuza të rënda për nxitje të kryengritjes për “6 Janarin”

Ish-presidenti Donald Tramp mund të përballet me akuza të paprecedenta për sulmin ndaj kongresit më 6 Janar 2021. Komisioni hetimor pritet të kërkojë ngritjen e akuzës së “nxitjes së kryengritjes” nga një president në detyrë.

Dekori i fundvitit nën efektet e kursimit të energjisë. Në Tiranë përdoret ndriçim led

Zbukurimet e këtij viti të qyteteve në prag të festave vijnë në një kohë kur flitet për masa kursimi të energjisë. Bashkia e Tiranes thotë se për këtë qëllim ka përdorur ndriçim LED që nuk rrit konsumin.

Kroacia e mbyll e treta, mundi Marokun 2 – 1. Nesër finalja e madhe Argjentinë-Francë

Kroacia fiton me Marokun dhe rikonfirmohet në elitën e futbollit botëror duke siguruar vendin e tretë në Katar. Nesër luhet finalja e madhe me francezët duan të mbrojnë titullin dhe argjentinasit që e presin këtë Kupë prej 36 vitesh./tvklan