#Lajme, #edicioniinformativ ora 23:00 data 22 Janar 2023 #TvKlan #KlanLajme

Spiker: Reis Çiço

Headlines 22 Janar 2023

Përmirësohet situata nga reshjet e shiut e borës. Dy rrugë të bllokuara 1220 HA ende nën ujë.
Përmirësohet situata nga moti i keq, por reshjet e shiut dhe dëborës vijojnë të shkaktojnë probleme. Disa akse të thella rrugore mbeten të bllokuara ndërsa mbi 1200 hektarë janë ende nën ujë në Shkodër. 13 shkolla nuk hapen të hënën.

Tritol në banesën e 34-vjeçarit në Laprakë. Shtëpia me qira, dyshohet një mesazh për pronarin.
Një sasi tritoli shpërtheu në mesnatën e së kaluar në një banesë të marrë me qira nga një 34-vjeçar në zonën e Laprakës në Tiranë, duke shkaktuar vetëm dëme materiale. Dyshohet se është një mesazh për pronarin e banesës.

Hodhi foshnjen në lumë, e reja u rrëfye pas 2 ditësh. Tentoi ta fshihte ngjarjen, u zbulua nga murgeshat.
Dalin detaje të reja nga ngjarja e rëndë e ndodhur në Shkodër në ditët e para të janarit kur një 32-vjeçare hodhi në lumë foshnjën e porsalindur. Ajo fillimisht tentoi ta mbulonte ngjarjen, por u zbulua nga këmbëngulja e 2 murgeshave.

Përgjaket festa në SHBA. Vriten 10 persona në një lokal nate, plagosen 10 të tjerë.
Një festë me rastin e vitit të ri kinez është kthyer në një tragjedi të vërtetë në Kaliforni. Një person i armatosur ka qëlluar në një lokal nate, duke vrarë 10 persona dhe duke lënë të plagosur 10 të tjerë. Mbeten mister motivet.

Juventus rrezikon ndëshkime të tjera. Hetohen marrëveshjet për pagat në pandemi.
Juventus rrezikon ndëshkime të tjera pasi hetuesit e federatës italiane ende nuk janë shprehur për dyshimet në lidhje me marrëveshjet e bëra nga klubi për heqjen e disa pagave të futbollistëve gjatë pandemisë./tvklan.al