#Lajme, #edicioniinformativ ora 19:30 data 25 Dhjetor 2022 #TvKlan #KlanLajme

Spiker: Reis Çiço

Headlines 25 Dhjetor 2022

Besimtarët e krishterë festojnë Krishtlindjen, krerët e kishës bëjnë thirrje për solidaritet.

Pas dy vitesh pandemi, besimtarët e krishterë kremtuan sot Krishtlindjen pa masa kufizuese. Në Shqipëri krerët e kishës katolike dhe ortodokse drejtuan meshat. Ata bënë thirrje për më shumë solidaritet mes njerëzve.

Krishtlindja, mes luftës e plazheve. Papa: Ndalni konfliktet në Ukrainë dhe në Lindjen e Mesme.

Krishtlindja u festuan nga fronti i ftohtë i luftës në Ukrainë deri në plazhet e ngrohta të Australisë. Papa Francesku bëri thirrje që të ndalet konflikti Moskë – Kiev dhe të nisë dialogu mes izraelitëve e palestinezëve në Lindjen e Mesme.

Hetimet për sulmet kibernetike në vendnumëro. Përgjigje negative nga partnerët: IP janë të pagjurmueshme.

Mbeten në vendnumëro hetimet për zbulimin e autorëve të sulmeve kibernetike që goditën shërbimet qeveritare. Autoritetet e huaja i kanë kthyer përgjigje negative prokurorisë duke theksuar se këto “AJ PI” nuk mund të gjurmohen.

Vrasja e Ruzhdi Hoxhës, zbardhen lëvizjet e fundit të makinës së krimit. Hetuesit në kërkim të saj.

Hetuesit zbardhin lëvizjet e fundit të makinës me të cilën u rrëmbye biznesmeni Ruzhdi Hoxha para se të vritej në Qafë Mollë vitin e shkuar. Por pavarësisht këqyrjes së kamerave hetuesit nuk po gjejnë dot automjetin e përdorur në krim.

36 viktima nga stuhia në SHBA dhe Japoni. Anulohen mbi 2700 fluturime në aeroportet amerikane.

28 persona kanë humbur jetën nga vala e motit të keq që ka përshirë Shtetet e Bashkuara të Amerikës. Miliona njerëz kanë mbetur pa energji elektrike dhe mbi 2700 fluturime janë anuluar. 14 viktima nga moti i keq edhe në Japoni.

 /tvklan.al