#Lajme, #edicioniinformativ ora 19:30 data 7 Qershor 2023 #TvKlan #KlanLajme

Spiker: Reis Çiço

Headlines 7 Qershor 2023

Zbardhet dosja me dy episodet që çuan në pranga Dakon dhe vartësit e tij

Zbardhet dosja hetimore qe çoi në pranga ish-kryetarin e Bashkisë së Durrësit, Vangjush Dakon dhe disa ish-vartës të tij. Në dy episode mbi të cilat janë kryer hetimet e SPAK, Dako akuzohet për shpërdorim të detyrës.

Sherr e kërcënime ndaj deputetëve në kryesinë e Bashës. Bardhi: Ishin grupe paramilitare

Shantazhe, kërcënime e presione ne mbledhjen e Kryesisë se demokrateve te thirrur nga Gazment Bardhi. Kryetari i grupit parlamentar thotë se grupe paramilitare kërcënuan deputetet. Nënkryetarja Tabaku jep dorëheqjen.

Rritja e pagave për Prillin dhe Majin do të merren brenda Qershorit

Rritja e pagave për punonjësit e administratës për prillin dhe majin do te merret brenda muajit qershor. Ministrja e Financave, Delina Ibrahimaj sqaroi arsyet e vonesës, ndërsa bëri te ditur edhe vendimin për shkrirjen e bordit të naftës.

“Non Grata” për Albin Kurtin, sanksione në dy faza nëse nuk pranohen kushtet

Kosova dhe Albin Kurti rrezikojnë sanksione te renda nëse nuk pranojnë propozimin amerikan për zgjedhje te reja ne veri. Tv Klan mëson nga burime diplomatike se ato përfshijnë shpalljen “non grata” te Kurtit dhe Ministrit te Brendshëm.

70 % e të rinjve në Shqipëri jetojnë me prindërit. Në Greqi dhe Itali, 48 dhe 44 %

Në Shqipëri, rreth 70% e të rinjve të grupmoshës 15-29 vjeç jetojnë ende në familje të mbipopulluara. Eurostat thotë se shifra është afro 2 herë më e lartë se vendet fqinje, Italia dhe Greqia dhe shkak është kultura familjare në vendin tone.

Finlanda aplikon gjoba të kripura deri në 121 mijë euro për tejkalim shpejtësie

Finlanda po aplikon gjoba ne shifra marramendëse për drejtuesit e automjeteve qe tejkalojnë shpejtësinë. Një biznesmen u ndëshkua me 121 mije euro vetëm se udhëtoi me 30 kilometra mbi shpejtësinë e lejuar.

/tvklan.al