Lajme, #edicioniinformativ ora 19:30 data 8 Nëntor 2024 #TvKlan #klanlajme

Spiker: Drini Zeqo

Headlines 8 Nëntor 2024

Mbërrijnë në Shëngjin 8 emigrantë të tjerë nga Egjipti dhe Bangladeshi. 2 dërgohen në Itali

Mbërrin në portin e Shëngjinit kontingjenti i dytë i emigrantëve si pjesë e marrëveshjes me Italinë. Anija ushtarake “Libra” solli 6 emigrantë nga Egjipti dhe 2 nga Bangladeshi. 2 prej tyre janë dërguar në Itali ndërsa të tjerët janë strehuar në Gjadër.

Mbetjet e dyshuara të rrezikshme shkarkohen në Porto Romano. Nën mbikqyrjen 24 orë me kamera

102 kontejnerët me mbetje të dyshuara të rrezikshme u shkarkuan mëngjesin e kësaj të premteje në Portin e Durrësit. Ato janë depozituar në Porto Romano deri në përfundim të hetimeve nga ana e Prokurorisë.

Inceneratori i Elbasanit, apeli rrit dënimin për Lefter Kokën. Shpallet fajtor edhe Alqi Bllako

Gjykata e Posaçme e Apelit rrit dënimin për ish-ministrin Lefter Koka duke e burgosur edhe për shpërdorim detyre në çështjen e inceneratorit të Elbasanit. Apeli dënoi edhe ish-deputetin Alqi Bllako që u shpall i pafajshëm në shkallë të parë.

Igli Hasani, me mbështetje të gjerë për sekretar të OSBE. Turqia dhe Greqia dalin me kandidatë të përbashkët

Ndonëse kandidatura e ministrit të Jashtëm Igli Hasani ka një mbështetje të gjerë për zgjedhjen si sekretar i përgjithshëm të OSBE-së, ai po gjen si barrierë Turqinë dhe Greqinë që po lobojnë për një kandidaturë të përbashkët.

Trump emëron shefen e stafit të Shtëpisë së Bardhë. Putin e uron për fitoren: Burrë kurajoz!

Presidenti i zgjedhur i Shteteve të Bashkuara Donald Tramp bëri emërimin e parë në administratën e tij, atë të shefes së stafit të Shtëpisë së Bardhë. Tramp mori urime për rizgjedhjen edhe Vladimir Putin, i cili e quajti “burrë kurajoz”.

Sylvinho publikon listën për sfidat e Nëntorit: Synojmë vendin e parë në grup

Trajneri i kombëtares Silvinjo publikon listën e lojtarëve për ndeshjet e nëntorit me Çekinë dhe Ukrainën për Ligën e Kombeve. Tekniku tha se kuqezinjtë synojnë vendin e parë në grup. Sfidat do të vijnë LIVE në ekranin e TV Klan.

/tvklan.al