Stop Tv Klan | Një format satiro-investigativ nga Saimir Kodra & Gentian Zenelaj.

“Siç na ka bërë nëna”, instagrami do të na shfaqë “lakuriq”

Rrjeti social instagram ka vendosur të heqë filtrat. Ne kemi pyetur të rinjtë, se cfarë mendojnë tani, që në rrjetin social do të shfaqen sic i ka bërë nëna.Batutat dhe humori nuk mungojnë në përgjigjet e të intervistuarve.

“Gjëra që ndodhin”, i përdorin foton për një vrasje, policia e përcjell

Elvira Tahiraj nga Vlora, me banim në Itali, ka kontaktuar redaksinë tonë, për një problem shumë të rëndë. Në fundin e dhjetorit të vitit të kaluar një shtetase me emrin dhe mbiemrin e saj vrau bashkëshortin me sëpatë në Sarandë. Sipas denoncueses, pa asnjë verifikim, portale të ndryshme morën foton e saj, për t’ia bashkangjitur lajmit. Kjo histori alarmoi familjen dhe fisin e Elvirës dhe kjo e fundit la cdo punë dhe erdhi në Shqipëri.Në komisariatin e Vlorës, pasi e morën në pyetje për një orë e gjysmë, e përcollën duke i thënë, se të tilla gabime ndodhin.Profesori i departmentit të gazetarisë Zylyftar Bregu, shpjegon, se nuk ka asnjë ent rregullator, që kontrollon mediat online dhe në këtë situatë transmetohen lajme të pasakta, duke ulur nivelin e gazetarisë dhe besueshmërinë e këtij profesioni.

Fituesi i 100 mijë eurove të Albmarket, tregon emocionin e fitores

Fituesja e madhe e shortit të Albmarket, Ledjona Vila, e cila ka fituar plot 100 mijë euro, ishte e ftuar në studion e emisionit “Stop”. Ajo ndau emocionet e saj për këtë fitore të papritur dhe tregoi planet për shumën e fituar.