Bayer Leverkusen regjistroi një fitore të thellë me rezultatin 4-1 në transfertë ndaj Eintracht Frankfurt, në sfidën e javës së 24-t në Bundesligë.
“Aspirinat” ishin dominues nga fillimi dhe shënuan tre gola të shpejtë me Tella, Mukiele dhe Schick. Goli i Ekitike në pjesën e parë për vendasit, kishte vetëm vlerë statistikore.
Në të dytën, skuadra e Alonsos shënoi edhe një gol tjetër me Garcian, për të vulosur takimin në 4-1.
Me këtë sukses, Leverkusen mban vendin e dytë me 53 pikë, 8 pikë më pak se Bayern Munich kryesues. Frankfurti mban vendin e tretë me 42 pikë. /tvklan.al
