Lajme Arkiva – TV Klan 2000

Zgjedhësit e kryeqytetit do të votojnë në katër kuti votimi. Votohet për kryetarin e bashkisë, këshillin bashkiak, kryetarin e njësisë administrative dhe këshillin e njësisë administrative. Në këtë mënyrë çdo zgjedhës tiranas, do të ketë në duar katër fletë votimi. Në komisionin e qeverisjes vendore të kryeqytetit është shpërndarë dokumentacioni për qendrat e votimit. Nënkryetari i këtij komisioni Luan Daci shprehet.  

Luan Daci:- “Fletët e votimit janë shpërndarë që mbrëmë, gjithashtu proces-verbalet, skedat, vulat, i kanë pasur njësitë mbrëmë dhe sot ka filluar shpërndarja. Qytetarët do të kenë një gjë të qartë, që listat e votimit do të jenë sot në sirtar nëpër komisione dhe nesër ata do të jenë të gjithë para kutisë së votimit për të parë nëse e kanë emrin ose jo”.

Gazetari:- Qytetarët që nuk janë të regjistruar në këto lista, mund të votojnë apo jo?

Luan Daci:- “Ligji krijon një premisë, që këta duhet të paraqiten të gjithë njëherë tek kutia e votimit. Ky është kodi zgjedhor, duhet të paraqiten atje, pastaj ata mund të marrin orientime dhe konsultime me kryetarin e komisionit të votimit dhe gjithë komisionet vendore. Rëndësi ka që qytetarët të shkojnë të gjithë tek qendra e votimit”./tvklan.al

Gazetar – Vladimir Lame