Gazetarja Daniela Zisi raporton se në Pikën Kufitare të Kapshticës është krijuar radhë makinash.
Dhjetëra mjete presin për të kaluar drejt shtetit grek pasi kanë patur disa ditë pushim, për shkak të një feste, që njihet në Greqi si “E hëna e pastër”.
Emigrantët e kthyer pak ditë më parë në atdhe, ditën e sotme po i drejtohen sërish Greqisë, por numri i lartë i mjeteve ka bërë të krijohet radhë në këtë doganë.
Shoferët kanë rreth 1 orë që presin të kalojnë.
Sipas informacioneve, pala shqiptare po punon me 5 sportele ndërsa pala greke më e ngadaltë me vetëm 3 sportele./tvklan.al
