Shqipëria dhe procesi i Barcelonës, seminari i organizuar nga Instituti Europian për Mesdheun dhe ministria e Punëve të Jashtme e Shqipërisë, ka mbledhur në një takim krerë të lartë të shtetit shqiptar, si dhe përfaqësues të diplomacisë shqiptare dhe të asaj ndërkombëtare.

Për kryeministrin Berisha i pranishëm në këtë seminar, së bashku me kryeparlamentaren Topalli, procesi i Barcelonës dhe bashkimi i Mesdheut, janë procese që duhet të përparojnë drejt në të ardhme bashkëpunimi shumë të gjerë midis vendeve të bregut jugor dhe bregut verior të këtij deti.

Kreu i ekzekutivit shqiptare ka shprehur vullnetin e vendit tonë, për të dhënë një kontribut më të qartë në bashkimin e Mesdheut.

Sali Berisha: “Duke mbështetur tërësisht këtë bashkim, Shqipëria një vend i vogël, por me një rol aktiv, do të dëshironte që në shpërndarjen e riorganizimin e ri të këtij bashkimi, të mund dhe ajo të merrte ndonjë përgjegjësi të veten.”

Kryeministri ka theksuar nevojën e rritjes së kontributit të bashkimit të Mesdheut në zgjidhjen e konfliktit kompleks izraelito-palestinez./tvklan.al

Gazetare: Elja Zotka