Irma Toptani: “Ora shënon 15:30 minuta jemi këtu në zonën 46, pikërisht në qendrën e votimit 1745, në rrugën “Tefta Tashko.”

Irma Toptani: “Si kanë shkuar votimet deri tani?

Komisioneri: “Deri tani votimet janë zhvilluar në mënyrë qetësore, pas asnjë incident, pa vonesa, pa probleme deri tani, shpresojmë të vijnë akoma votues më tepër i  presim. Çdo gjë në rregull, deri tani në këtë qendër kanë votuar pothuajse gati 260, 270 votues.”

Irma Toptani: “Sa ka gjithsej kjo zonë?”

Komisioneri: “Ka 877 votues.”

Komisionerja: “Kanë qenë të qeta, të rregullta domethënë të dy palët kanë respektuar njëri-tjetrin edhe populli ka qenë i qetë, pa agresivitet.”

Kur na ndajnë më pak se 3 orë nga mbyllja e votimit ende shohim fluks votuesish nëpër qendra të ndryshme në Tiranë. Në qendrat e votimit të vendosura pranë shkollës së Baletit dhe në shkollën “Osman Myderizi” shohim votues që presin në radhë për të votuar. Gjithçka flet për një proces të rregullt dhe për një pjesëmarrje të lartë në votime. Një shenjë e mirë kjo për mbërritjen e standardeve të zgjedhjeve./tvklan.al

Gazetare: Irma Toptani