Ministria për Europën dhe Punët e Jashtme ka lajmëruar zyrtarisht se i ka kthyer Presidentit të Republikës për të gjitha kërkesat e parashtruara prej tij, lidhur me dhënien e autorizimit për të negociuar me palën greke.

Pjesë e përgjigjes është edhe përbërja e ekipit negociator, një ndër shqetësimet kryesore të shprehura edhe publikisht nga Presidenti Ilir Meta.

12 janë negociatorët, përfaqësues të po aq institucioneve.

Grupi negociator do të kryesohet nga 2 bashkëkryetarë: Armand Skapi, si përfaqësues i Ministrisë për Europën dhe Punët e Jashtme, që mban detyrën e Drejtorit për Traktatet dhe të Drejtës Ndërkombëtar, si dhe Gjeneral Major Ylber Dogjani, Komandant i Flotës Detare.

Të tjerë emra në listë janë:

Artur Meçollari, si përfaqësues i Ministrisë së Mbrojtjes

Arsen Mullai, kreu i Flotës Detare

Viktor Doda, Drejtor i Shërbimit Gjeologjik, ish-Ministër i Energjetikës në qeverinë Nano

Aida Hajna Zv/Drejtore e Policisë

Ardjan Bylyku Drejtori i Agjencisë Kombëtare të Burimeve Natyrore.

Elira Koka, Sekretare e Përgjithshme e Ministrisë së Drejtësisë,

Ferdi Hyraj nga Instituti i Gjeografisë,

Luan Përzhita, Instituti i Arkeologjisë,

Korenc Çela, Drejtor i Institutit të Gjeohapësirës

Qirjako Qirko, i cili ka mbajtur detyrën e Sekretarit të Përgjithshëm në MPJ dhe aktualisht është Ambasador në Londër.

Veç grupit negociator, Presidenti Meta kërkoi edhe sqarime të tjera përsa i përket objektit të negociatave dhe metodologjisë që do të ndihet në përcaktimin e kufirit detar me Greqinë.

Kryeministri Rama tha gjatë konferencës për shtyp me Presidentin e Komisionit Europian, Zhan Klod Junker se Presidentit Meta i janë dërguar të gjitha sqarimet dhe se beson që ai do të bëjë detyrën e tij duke dhënë plotfuqishmërinë për negociatat.

Tv Klan