Një aksident me pasojë vdekjen e dy personave ka ndodhur në fshatin Mjedë të Vaut të Dejës.

Dy këmbësorë me iniciale N.P., 63 vjeç dhe N.P., 43 vjeç janë përplasur nga një mjet dhe kanë gjetur vdekjen.

Drejtuesi me iniciale G.B., ka humbur kontrollin e automjetit të tij tip “Benz” dhe ka dalë nga rruga. 63-vjeçari ka ndërruar jetë në vend, kurse 43-vjeçari gjatë transportimit në spital.

Edhe drejtuesi i mjetit ka pësuar lëndime dhe ndodhet në spital për të marrë ndihmën mjekësore. Pas kësaj do të shoqërohet në Komisariat për veprime të mëtejshme.

Grupi hetimor po punon për sqarimin e plotë të rrethanave  dhe shkakut të aksidentit./tvklan.al