Një aksident ka ndodhur në aksin Lezhë-Shkodër. Dy automjete janë përplasur me njëra-tjetrën pranë kryqëzimit te Blinishtit.

Nga aksidenti kanë mbetur të plagosur 3 persona të cilët u dërguan me urgjencë në spitalin rajonal të Lezhës.

Burimet për korrespodentin e Klan News Martin Marku bëjnë me dije se mjeti tip“Volkswagen Polo” dyshohet të ketë kryer një parakalim të gabuar në kryqëzim.

Mjeti “Polo” për pak sa nuk ka përfunduar në kanal ku pas përplasjes me “Benzin” ka përfunduar mbi barrierat metalike të rrugës. Policia dhe grupi hetimor ndodhet në vendngjarje për zbulimin e rrethanave të këtij aksidenti./tvklan.al