Jude Bellingham gjithnjë e më vendimtar për Real Madrid. Mesfushori ka gjetur ritmin e shënimit të golave, duke qenë katalizator i rezultateve pozitive. Në 6 ndeshjet e fundit, Bellingham ka gjetur 5 herë rrjetën, ndërsa ka dhënë edhe 3 asiste.

Golat e tij kanë mbërritur në 5 ndeshjet radhazi të kampionatit spanjoll, për t’u bërë lojtari i tretë i La Ligës në 10 vitet e fundit që ka arritur këto shifra. Statistika tepër interesante, ndërsa kalon numrat e regjistruar nga Cristiano Ronaldo e Karim Benzema, që shënuan gol në 4 ndeshje radhazi.

Por situatë e mirë nuk konsiderohet ajo me dëmtimet. Ferland Mendy ishte i radhës që la fushën duke çaluar, ndërsa të padisponueshëm janë Dani Carvajal, Eder Militao dhe Eduardo Camavinga. Në dyshime mbetet edhe Jude Bellingham, gjithsesi, anglezi pritet të jetë i gatshëm për duelin me Atalantën.

Klan News