Më shumë aksidente në rrugë, INSTAT: Faji i drejtuesve të automjeteve

Aksidentet vijojnë të përgjakin rrugët e vendit. 197 persona humben jetën si pasojë e tyre në vitin që lamë pas. Instituti i Statistikave thotë se në 2021 u regjistruan 11,5% më shumë aksidente dhe viktima se një vit më parë.

Janë 1.376 aksidente rrugore  në të cilin janë përfshirë 1.860 persona dhe kanë humbur jetën 197 prej tyre, ndërkohë që në 2020 nga 1.234 aksidente janë lënduar 1.598 persona.

Ekspertët e statistikave kanë dalë në konkluzionin se në 85,7 % të rasteve, aksidentet kanë ndodhur si pasojë e sjelljes së drejtuesit të mjetit, ndërsa në 15,3% të rasteve ka qenë këmbësori ai që është bërë shkak për aksident.

Ajo çfarë vihet re krahasuar me vitin 2020, është se këmbësorët kanë qenë më të pakujdesshëm këtë vit duke rritur kështu me 17.3% aksidentet si pasojë e sjelljes së tyre.

Numri më i lartë i aksidenteve është kryer nga grup-mosha 25–34 vjeç, duke zënë 25,2 % të numrit të aksidenteve gjithsej. Aksidentet më të shumta ndodhin në Tiranë, Lezhë e Durrës.

Tv Klan