Kreu i Grupit Parlamentar të Lëvizjes Vetëvendosje, Rexhep Selimi, ka folur para Gjykatës Speciale, duke thënë se ka qneë luftëtar i Ushtrisë Çlirimtare të Kosovës.

Në fjalën e tij të shkurtër para gjykatës dhe prokurorit, që ka ngirutr akuza për të, Selimi tha se ka qenë kundër krijimit të Gjykatës Speciale, pasi donte që të vendosej drejtësi.

“E di që ndoshta këtu nuk është momenti dhe as vendi që të flas për legjitimitetin e kësaj gjykate, sepse e ka themeluar Kuvendi i Kosovës. Unë si deputet i atij Kuvendi e pata kundërshtuar këtë gjykatë. Donim që drejtësia të bëhej në Kosovë”, ka thënë Selimi.

Më tej ai tha se ka nisur luftën me Adem Jasharin dhe Serbia i ka sjell vetëm të këqija Kosovës.

“Po, unë kam luftuar kundër Serbisë okupatore, kundër asaj Serbie që veç të këqija i ka sjellë vendit tim. Prandaj unë e kam bërë vetëm detyrën time. Unë jam veç një çlirimtar që luftën e kam nisur me Adem Jasharin dhe e kam përfunduar me gjeneralin Clark.”, ka shtuar ai./tvklan.al