#lajme, #edicioniinformativ ora 23:45 data 11 Dhjetor 2022 #TvKlan #KlanLajme

Spiker: Reis Cico

Headline 11 Dhjetor 2022

Tensioni në Veri, BE dhe SHBA: Të hiqen barrikadat. Kurti: Vuçiç kërkon luftë. Rama: BE të nisë dialogun

Serbët rikthejnë barrikadat në veri të Kosovës pas arrestimit të një ish-polici. BE dhe SHBA kërkojnë heqjen tyre ndërsa Kurti akuzon Vuçiç se po kërcënon me luftë. Reagon edhe Rama që i kërkon BE-së të thërrasë urgjentisht tryezën e dialogut.

Rikthehen përmbytjet. Erzeni dhe Ishmi dalin nga shtrati, banesa dhe mbi 600 ha tokë nën ujë

15 shtëpi dhe mbi 600 hektarë tokë janë përmbytur këtë të diel si rezultat i reshjeve të dendura dhe daljes nga shtrati të lumenjve Ishëm dhe Erzen. Probleme ka në Fushë Krujë, Lezhë dhe Shkodër. Emergjencat thonë se situata po përmirësohet.

Mashtronin qytetarët e BE përmes 15 pikave Call Center. Arrestohet

30-vjeçari, 14 në kërkim

Një 30-vjeçar u vendos në pranga ndërsa 14 të tjerë janë shpallur në kërkim në kuadër të një tjetër operacioni për goditjen e një grupi të mashtrimit të qytetarëve europianë me anë të call center ku kishin përfituar 6 milionë euro.

Shqipëria, e dyta në Europën Qendrore për dhunën ndaj grave, por rriten raportimet

Një raport i OBSH-së e rendit Shqipërinë të dytën në Europën Qendrore sa i përket dhunës ndaj grave. Por ekspertët thonë se ka rritje të numrit të rasteve të raportuara si dhe ndërgjegjësim më të madh për të denoncuar.

Superliga rikthehet me surpriza. Partizani barazon me Erzenin, Kukësi mundet nga Teuta

Rezultate surprizë në rikthimin e Superligës Shqiptare të Futbollit. Partizani kryesues u ndal në një barazim në fushën e Erzenit të Shijakut ndërsa Kukësi u mund nga Teuta e vendit të fundit duke çuar në largimin e trajnerit Enkelejd Dobi.