Spiker: Reis Çiço

Headlines 13 Janar 2025

Ekzekutohet në ecje në autostradën Fier – Vlorë Kristian Marku, policia kontrolle edhe në Rrëshen.

Ekzekutohet teksa lëvizte në autostradën Fier-Vlorë Kristian Marku. Autorët dogjën rreth 300 metra larg vendngjarjes një makinë me targa të vjedhura, ndërsa policia ushtron kontrolle edhe Rrëshen për shkak se viktima rezulton i përfshirë në ngjarje kriminale në këtë qytet

Mister mbi vrasjen e biznesmenit Bujar Nasufi. Gjenden të djegura arma dhe motori i vrasësit.

Mbeten mister motivet që çuan në vrasjen e biznesmenit Bujar Nasufi, ndërsa Policia po heton disa pista. Kamerat e sigurisë kane fiksuar autorin që e priti viktimën pranë banesës, teksa policia gjeti sot të djegura armën dhe motorin e përdorur në ngjarje

Moti i keq mbërthen Shqipërinë. Bllokime rrugësh, përmbytje dhe probleme me energjinë.

Moti i keq ka mbërthyer te gjithë vendin. Dëbora ka bllokuar disa akse rrugore ne veri te vendit dhe u be shkak per ndërprerjen e energjisë elektrike ne disa zona te thella, ndersa shirat shkaktuan përmbytje ne nje lagje te Vlorës.

11.7 milionë turistë të huaj e vizituan Shqipërinë në vitin 2024, 15% më shumë se 2023.

Publikohen te dhënat zyrtare te turizmit, sipas te cilave Shqipëria priti 11.7 milion turistë ne vitin 2024, duke shënuar një rritje me 15%. Kryeministri Rama thotë vendi është konsoliduar në tregjet europiane me oferte te diversifikuar.

24 viktima nga zjarret në Los Angeles. Dhjetëra të zhdukur, mbi 12 mijë ndërtesa të djegura.

Arrin ne 24 numri i viktimave nga zjarret në Los Angeles, por bilanci pritet të rëndohet për shkak se shumë persona rezultojnë të zhdukur. Mbi 12 mije ndertesa jane djegur, ndersa zjarret po perhapen me tej per shkak te eres.

Rama në prezantimin e “Giro D’Italia 2025”: Nisja e madhe nga Shqipëria, është si përrallë.

Kryeministri Edi Rama ka marrë pjesë në prezantimin e Giro d’Italia në Romë, pasi Shqipëria do të jetë vendi ku do të nisë ky event i rëndësishëm sportiv.

/tvklan.al