#Lajme, #edicioniinformativ ora 23:30 data 15 Janar 2023 #TvKlan #KlanLajme

Spiker: Reis Çiço

Tërmeti me magnitudë 5 ballë trondit Shqipërinë. Epiqendra ishte në afërsi të qytetit të Klosit.

Lëkundjet të forta sizmike janë ndjerë mbrëmjen e sotme në gjithë Shqipërinë. Tërmeti më i madh ndodhi rreth orës 21 e 37 minuta me magnitutë 5 ballë dhe me epiqendër në afërsi të qytetit të Klosit. Autoritetet raportojnë për dëme të vogla materiale në Xibër.

Kamerat e grupeve kriminale prej dy vitesh nëpër rrugët dhe sheshet e Shkodrës

Prej 2 vitesh grupet kriminale në Shkodër monitoronin në kohë reale lëvizjet e policisë dhe kundërshtarëve të tyre. Nga hetimet e kryera rezulton se kamerat e bandave në rrugët dhe sheshet e qendrës së veriut ishin vendosur prej dy vitesh.

Kokaina e Frakullës, Enxhi Ferhati pyetet nga agjentët e BKH. Dyshohet se ndihmonte të dashurin

Enxhi Ferhati është e para nga 10 të arrestuarit që po i merret dëshmia nga Byroja e Hetimit për kokainën që u kap në Frakull të Fierit. Ajo dyshohet se ndihmonte të dashurin e saj Denilson Çervanaku, të kontaktonte me bashkëpunëtorët në Kolumbi.

Me shumë aksidente nga shoferët me përvojë. Numri më i madh, gjatë orëve të mbrëmjes

Drejtuesit e automjeteve që kanë mbi 9 vjet që kanë marrë lejen e drejtimit shkaktojnë edhe numrin më të madh të aksidenteve rrugore. INSTAT raporton se shumica e ngjarjeve rrugore ndodh gjatë orëve të mbrëmjes.

Nesër nis sesioni i ri parlamentar, sfidat: Nga debati për grupet, avokati i popullit te amnistia fiskale

Nis nesër pasdite sesioni i ri i Kuvendit të Shqipërisë. Zgjedhja e Avokatit të Popullit, Aministia Fiskale, Pasaportat e Arta dhe Legalizimi i Kanabisit janë ccështjet më të nxehta që pritet të shkaktojnë debate te forta mes palëve.

Bie gjatë uljes avioni me 72 persona në bord në Nepal, 68 persona humbin jetën

68 persona humbën jetën, ndërsa disa të tjerë u plagosën teksa një avion pasagjerësh ra në afërsi të një aeroporti në Nepalin Qendror. Videot e postuara tregojnë avionin i cili fluturon shumë ulët në një zonë të populluara se të godiste tokën./tvklan.al