#Lajme, #edicioniinformativ ora 23:50 data 19 Qershor 2023 #TvKlan #KlanLajme

Spiker: Redi Prifti

Headlines 19 Qershor 2023

BE, ultimatum Kurtit e Vuçiçit: Në Bruksel pa kushte. Rama: Kurti të dalë nga vetëizolimi

Bashkimi Europian u kërkon Albin Kurtit dhe Aleksandër Vuçiçit të shkojnë në takimin e Brukselit pa kushte. Ndërsa kryeministri Edi Rama thotë se Kurti duhet te dalë nga guaska e veteizolimit pasi rrezikon të humbasë veriun e Kosovës.

Të pandehurit për inceneratorin e Fierit kundërshtojnë ndryshimin e akuzave

Te pandehurit për inceneratorin e Fierit kundërshtojnë ndryshimin e akuzave nga Prokuroria e Posaçme Kundër Krimit te Organizuar dhe Korrupsionit. Ish-deputeti Alqi Bllako akuzon prokurorin e SPAK për hakmarrje personale.

Grupi i Berishës publikon projektin për rritjen ne 200 euro të minimumit jetik

Demokratet e udhëhequr nga Berisha bëjnë publik projektin për vendosjen me ligj te minimumit jetik ne nivelin e 200 eurove. Sipas opozitës, nga kjo nisme ligjore do te përfitojnë mbi 1 milion shqiptare.

Italianët zgjedhin bregdetin shqiptar. Ksamili, Saranda e Vlora në top-listë

Italianet zgjedhin te paren Shqiperine si destinacionin e preferuar per te kaluar pushimet. Sipas nje klasifikimi te bere nga “Air BnB”, Ksamili renditet i pari, i pasuar nga Saranda e Vlora ne vendin e trete dhe te katert.

Do shihnin Titaniku, zhduket nëndetësja me 5 persona. Mes tyre një miliarder britanik.

Zhduket pa lënë gjumë një nëndetëse e vogël me 5 persona në bord që dërgonte turistë për të parë rrënojat e Titanikut në fund të Oqeanit Atlantik. Mes personave në bord është edhe një miliarder britanik.

Bebe Rexha goditet me celular në fytyrë kur po bënte shqiponjën në një koncert në SHBA

Këngëtarja shqiptare Bebe Rexhe u godit me celular ne fytyre gjate nje koncerti ne Nju Jork, teksa po bente shqiponjen ne skene. Goditja e forte i shkaktoi asaj te cara ne fytyre, ndersa policia mundi te arrestoje autorin.

/tvklan.al