#Lajme, #edicioniinformativ ora 23:35 data 24 Maj 2023 #TvKlan #KlanLajme

Spiker: Redi Prifti

Headlines 24 Maj 2023

PD kërkon komision hetimor për 14 Majin: Rama të rrisë minimumin jetik të shqiptarëve

Partia Demokratike kërkon ngritjen e një komisioni te posaçëm parlamentar për te hetuar zgjedhjet e 14 majit. Kryetari Berisha thotë se ne seancën e te enjtes do te kërkojë edhe rritjen e minimumit jetik te shqiptareve.

Basha rikthehet në politikën aktive, Deputetët: Nuk duhet të jetë në krye të PD

Lulzim Basha bëri sot të parën dalje publike në një takim me të rinjtë duke paralajmëruar rikthimin e tij. Por deputetet e grupit parlamentar te PD-së që drejtohet nga Gazmend Bardhi refuzojnë idene e kandidimit te Bashes per postin e kryetarit.

Pronat e lira do t’u kthehen ish-pronarëve pa asnjë kufizim. Qeveria miraton vendimin

Qeveria merr dy vendime të reja për nxitjen e procesit të kthimit dhe kompensimit të pronave. Nëse prona e subjekteve është e lirë, atëherë ish-pronarëve ajo u kthehet pa kufizim siç e kanë pasur në momentin e sekuestrimit.

Laert Haxhiu tentoi t’i ikte policisë në Janinë. Makina e tij goditi tre mjete të tjera

I shumëkërkuari Laert Haxhiu tentoi t’i ikte policisë së Janinës. Ai ishte nën shoqërinë e dy shqiptarëve të tjerë kur policia greke e ndaloi pasi makina e tij përplasi 3 automjete të tjera në tentativën për t’i shpëtuar arrestimit.

Marrëveshje me Anglinë për të burgosurit. Mund të zgjedhin vendin se ku duan ta kryejnë dënimin

Shqiptaret e dënuar për vepra të ndryshme penale ne Britaninë e Madhe mund të zgjedhin ta kryejnë dënimin në Shqipëri. Mes Tiranës dhe Londrës është rënë dakord që të gjithë barrën financiare ta ketë qeveria britanike.

Lamtumirë Tina Turner! Shuhet legjenda e rock’n roll

Ndahet nga jeta në moshën 83-vjeçare Tina Twrner, një nga legjendat e muzikës botërore e konsideruar si mbretëresha e “rrok en rollit”. Ajo vuante prej kohësh nga disa sëmundje të rënda. Reagon bota e artit dhe muzikës.   

/tvklan.al