#Lajme, #edicioniinformativ ora 23:30 data 28 Qershor 2023 #TvKlan #KlanLajme

Spiker: Reis Çiço

Headlines 28 Qershor 2023

Burg për 19 trafikantët e drogës. Zbardhen përgjimet e tyre gjatë rrugës me kamion.

Do të qëndrojnë në burg 19 të arrestuarit e operacionit të një dite më parë nga SPAK dhe që trafikonin droga të ndryshme drejt vendeve të BE. Në dosjen e siguruar nga Tv Klan janë të zbardhur edhe përgjimet mes trafikantëve gjatë rrugës.

Identifikohet grabitësi i 80 mijë Eurove në Astir, në pranga bashkëpunëtori.

Zbardhet grabitja e 40 mijë eurove në një pikë të këmbimit valutor 4 ditë më parë në zonën e Astirit në Tiranë. Autori është një 39-vjeçar i shpallur në kërkim ndërsa në pranga është vënë një bashkëpunëtor i tij.

Rama nderon Kim me Yllin e Madh të Mirënjohjes: Bëri shumë për ne.

Kryeministri Rama nderon me “Yllin e madh të mirënjohjes publike”, ambasadoren amerikane Juri Kim për rolin e saj gjatë mandatit në vendin tonë. Kreu qeverisë vlerëson punën e saj për çuarjen përpara të reformave.

Besimtarët myslimanë kremtojnë Kurban Bajramin. Spahiu: Lutemi për Kosovën.

Besimtarët myslimanë kremtojnë sot festën e Kurban Bajramit. Në faljen e zhvilluar në sheshin Skënderbej, kreu i këtij komuniteti u ndal tek zhvillimet në Kosovë, por dha edhe një mesazh për trazirat në kampin e iranianëve të MEK. 

Samiti i BE: Pasoja nëse nuk ka shtensionim.  Kurti viziton veriun. Djali i Vuçiç në Kosovë.

Liderët e BE pritet te miratojnë neser deklaraten ku Prishtinës e Beogradit i kërkohet shtensionimi, përndryshe do të përballen me pasoja. Kurti viziton Veriun, ndërsa djali i Vuçiç ndalohet nga policia pasi mori pjesë ne festën e serbëve në Graçanicë. 

/tvklan.al