Një aksident është regjistruar disa minuta më parë në autostradën Levan-Tepelenë, në vendin e quajtur “Kthesa e Fratarit”.

Korrespondentja e Klan News, Anila Sefa raporton se si pasojë e përplasjes kanë mbetur të plagosur një çift bashkëshortësh nga Tepelena, të cilët janë dërguar në spital.

Sipas informacioneve paraprake, automjeti me të cilin udhëtonte çifti drejt Tepelenës ka goditur nga pas një automjet të tonazhit të lartë, i cili ishte ndalur në rrugë për shkak të një defekti në motor.

Në vendngjarje ka mbërritur policia dhe po kryen veprimet hetimore mbi rrethanat e rastit./tvklan.al