Sëmundjet dhe skandalet e shumta e kanë dobësuar në syrin e publikut monarkinë

Mbreti Charles do të bëjë paraqitjen e tij të parë publike në një ngjarje mbretërore që nga trajtimi i tij i fundit për kancerin të dielën, por mungesa e mundshme e djalit të Princit William dhe gruas së trashëgimtarit Kate Middelton do të vërë në pah se sa është dobësuar monarkia britanike.

Pallati mbretëror sqaroi se monarku 75-vjeçar do të merrte pjesë në këtë ngjarje së bashku me gruan e tij Mbretëreshën Camilla, ndryshe nga vitet e tjera kur merrnin pjesë të gjithë anëtarët e familjes mbretërore.

William, Kate dhe fëmijët e tyre George, Charlotte dhe Louis, nuk do të marrin pjesë pasi Princesha e Uellsit zbuloi se ajo kishte filluar kimioterapinë pasi zbuloi se ishte diagnostikuar me sëmundjen e kancerit.

Dëshira e Charles për një institucion kufizuar në numër ishte krijuar për të kundërshtuar akuzat se ishte fryrë, me të afërm të largët që jetojnë nga të ardhurat e taksapaguesve.

Erin Hill, redaktore e revistws People: Siç e dimë, Mbreti Charles  dëshironte të kishte një monarki të  kufizuar kur mori fronin, por ai kurrë nuk mund të parashikonte që ajo të dobësohej deri në pikën ku është tani.

Nga anëtarët e mbetur zyrtarë mbretërorë ata që kryejnë detyra për mbretin, si hapja e ndërtesave të reja, dhënia e çmimeve dhe takimi me personalitete të huaja janë kryesisht të mbetur nga brezi i mbretëreshës së ndjerë Elizabeth. Princesha Alexandra, 87 vjeç, kushërira e saj dhe shoqja e saj prej kohësh, shihet rrallë në publik në ditët e sotme, ndërsa kushërinjtë e tjerë të Elizabeth, Princi Edward, Duka i Kentit dhe Princi Richard, Duka i Gloucester, janë respektivisht 88 dhe 79 vjeç.

Claudia Joseph: Unë mendoj se ka anëtarë mbretërorë që punojnë, ka shumë  prej tyre që punojnë për të bërë punët që duhen kryer. William padyshim që do të dëshirojë të mbështesë Kate, por është Mbretëresha ajo që po angazhohet. Duka dhe Dukesha e Edinburgut dhe anëtarë të tjerë të familjes mbretërore, të cilët janë të gjithë mjaft të moshuar, ata ende po japin kontributin e tyre. Harry dhe Meghan nuk janë më duke punuar, kështu që nuk ka asnjë mundësi që ata të kthehen për t’u marrë me angazhimet publike. Dhe as Duka i Jorkut.

Rrethi i familjes mbretërore është ngushtuar që pas largimit  të djalit më të vogël të mbretit Charles dhe bashkëshortes së tij. Princ Harry dhe Meghan Markle u shpërngulën në SHBA tre vjet më parë duke zgjedhur të hiqnin dorë nga angazhimet e tyre mbretërore.

Ndërkohë, vëllai më i vogël i Charles, Princi Andrew, 64 vjeç, u dëbua nga jeta publike në vitin 2019 për shkak të miqësisë së tij me Jeffrey Epstein. Në atë kohë  ai u shpreh se i vinte  keq për shoqërimin e tij me ish-biznesmenin amerikan dhe se ai ndjente keqardhje të thellë për viktimat e Jeffrey Epstein-it i cili  vrau veten në 2019 ndërsa priste gjyqin mbi akuzat për trafikim seksual.

Princesha Anne është aktualisht më e angazhuar me detyrimet mbretërore, por ajo vetë do të mbushë 74 vjeç këtë vit. Djali i saj Peter Phillips tha këtë javë se ajo ndoshta po punonte shumë më shumë nga sa priste.

“Ajo është ende duke bërë udhëtime jashtë shtetit dhe po kthehet brenda  24 orëve, gjë që është shumë e vështirë për shumicën e njerëzve… por kur je në të 70-at dhe kjo e bën atë të jashtëzakonshme”, tha ai për Sky News.

Erin Hill: Kjo ka qenë një monarki shumë e dobët me mungesën e Princit Harry dhe Dukeshës Meghan. Është padyshim një periudhë e ndërlikuar për familjen mbretërore.

Megjithëse sondazhet tregojnë se shumica e britanikëve mbeten përgjithësisht mbështetës të monarkisë, ato thonë gjithashtu se kjo shumica po zvogëlohet, me një hendek në rritje midis të moshuarve entuziastë dhe brezave të rinj të cilët po bëhen gjithnjë e më indiferentë me atë që po ndodh.

Klan News