Nuk pati dakordësi për kandidatin për kryeministër

Ka dështuar përfundimisht koalicioni parazgjedhor ndërmjet LDK-së dhe LVV-së.

Këto dy parti nuk u pajtuan rreth postit të kryeministrit dhe do të garojnë të vetme në zgjedhjet e 6 Tetorit.

E vetme në këto zgjedhje do të garojë edhe Partia Demokratike e Kosovës.

Vetëm katër koalicione parazgjedhore kanë aplikuar për t’u certifikuar këtu në KQZ deri në mesnatë kur ishte edhe afati i fundit për aplikim.

Të parët që aplikuan si koalicion parazgjedhor ishte koalicioni Vakat, i përbërë nga tri parti të komuniteti boshnjak.

Gjithashtu edhe koalicionet AAK-PSD dhe Nisma e AKR-PD kanë aplikuar për certifikim në KQZ pas marrëveshjeve të tyre paraprake për koalicion parazgjedhor.

Koalicioni i serbëve Sloboda që aplikoi i fundit për certifikim në KQZ tha se do të sfidojnë Listën Serbe dhe do të punojnë për serbët lokalë në bashkëpunim me institucionet e Kosovës.

Nenad Rashiq- Koalicioni Sloboda: Jemi absolutisht në favor të fuqizimit të bashkëpunimit me institucionet e Kosovës.

Ndërsa afati i fundit për regjistrim dhe certifikim të subjekteve politike për zgjedhjet e parakohshme të 6 Tetorit është data 6 Shtator i këtij viti.

Tv Klan